الرئيسية / منوعات / الابراج / للطلبة والطالبات المدرسين و المدرسات ..اعرف حظك اليوم ..الحمل على موعد مع أصدقاء المدرسة و الثور ركز فى دراستك لو سمحت

للطلبة والطالبات المدرسين و المدرسات ..اعرف حظك اليوم ..الحمل على موعد مع أصدقاء المدرسة و الثور ركز فى دراستك لو سمحت

نهى عبد النبى

أعرف حظك اليوم وتوقعات الأبراج معانا فى موقع كايرودار وياريت متاخدش الكلام على صدرك..فى الأول والأخر انت اللي بتعمل حظك اليوم بتصرفاتك فى الحياة ومينفعش حد يقولك هتبقى مبسوط النهاردة أو لأ إلا أنت..استمتع بوقتك فى الدراسة سواء في الجامعة أو المدرسة عشان دى أحلى مرحلة في العمر..وصباحك فل وسعادة.

أعرف حظك اليوم الأحد 19 -11-2017 ..برج الحمل

الحمل: من 21 مارس إلى 19 ابريل

برج الحمل عاطفياً

هتقابل حد من أصدقاء الطفولة  و المدرسة بالصدفة، وهتفتكر كل ذكرياتك زمان من أيام الروضة أو الابتدائي.

برج الحمل عملياً

الامتحانات على الأبواب اهتم بالمذاكرة وركز على الدروس المهمة عشان الوقت ممكن يسرقك.

برج الحمل صحياً

ابعد عن الضغوطات النفسية ونام بدري عشان تقدر تكمل يومك ومذكرتك بسلام، وأبعد عن السهر وغنيله.

تعرف على توافق برج الحمل مع باقي الأبراج النهاردة

متوافق مع الابراج المستحية والخيالية.

أعرف حظك اليوم الأحد 19 -11-2017 ..برج الثور

الثور : من 20 ابريل إلى 20 مايو

برج الثور عاطفياً

صديق عمرك هيواجه مشكلة اليوم وهيحتاجلك تقف جنبه، متخذلهوش لأنه في أشد الحاجة إليك.

برج الثور عملياً

يقول الفلك اليوم لطلبة أولى ثانوي، ركز فى المواد عشان هتحدد مصيرك ومتخليش حد يتدخل فى قرارك سواء كملت علمي ولا أدبي.

برج الثور صحياً

اهتم بحالتك الصحية عشان السهر مش هيفيدك وقلة النوم هتسببلك عدم التركيز خصوصا وقت الامتحانات.

تعرف على توافق برج الثور مع باقي الأبراج النهاردة

متوافق مع الابراج البلاستيكية والحلزونية والكتكوتية.

أعرف حظك اليوم الأحد 19 -11-2017 ..برج الجوزاء

الجوزاء: من 21 مايو إلى 20 يونيو

برج الجوزاء عاطفياً

خليك في حالك ومتسرحش وراء الأوهام لأن ممنهاش فايدة وهتفضل أوهام مهما عملت خصوصا أنك لسه صغير.

برج الجوزاء عملياً

اليوم مناسب عشان تعمل جدول جديد للمذاكرة بعد مواعيد الامتحانات والمراجعات الجديدة.

برج الجوزاء صحياً

أهتم بأكل السبانخ والملوخية والباذنجان والأكلات إلى فيها حديد عشان تساعد المخ على التركيز وتمد الجسم بالطاقة.

تعرف على توافق برج الجوزاء مع باقي الأبراج النهاردة

متوافق مع الابراج البسبوسية والحرنكشية.

أعرف حظك اليوم الأحد 19 -11-2017 ..برج السرطان

السرطان: من 21 يونيو إلى 22 يوليو

برج السرطان عاطفياً

وانتى رايح الدرس متركزيش مع الكراش أو الإكس عشان المدرس مش هيكرر الشرح مرة ثانية لو لاحظ.

برج السرطان عملياً

ساعدي والدتك فى شغل البيت فى أوقات الفراغ، عشان النشاط هيقضى على التوتروالقلق وهيخلق جو من الراحة في الأسرة.

برج السرطان صحياً

هتصاب ببعض الألم والصداع نتيجة التفكير في لحظة الامتحان، اعمل الي عليك وركز في المراجعة عشان التوتر هيخليك تنسى كل الى ذاكرته.

تعرف على توافق برج السرطان مع باقي الأبراج النهاردة

متوافق مع الابراج البرمائية والحبشتكانية.

أعرف حظك اليوم الأحد 19 -11-2017 ..برج الأسد

الأسد: من 23 يوليو إلى 22 اغسطس

برج الأسد عاطفياً

ناس كثير من أصدقائك بيتدخلوا في تفاصيل حياتك بشكل مبالغ، خليك إيجابى ومتسمحش بالتجاوز فأنت برج الأسد.

برج الأسد عملياً

متأجلش مذاكرة النهاردة  لبكره عشان متتراكمش عليك الدروس الصعبة، وخليك فاكر أن يوم الامتحان يكرم المرء أو يهان .

برج الأسد صحياً

متنساش تشرب مياه عشان قلة شرب المياه بتقلل التركيز وقت المذاكرة، وبتخلى الجسم أكثر سخونة وتفقده الطاقة.

تعرف على توافق برج الأسد مع باقي الأبراج النهاردة

متوافق مع الابراج الزلومية والحلبسية.

أعرف حظك اليوم الأحد 19 -11-2017 ..برج العذراء

العذراء: من 23 اغسطس إلى 22 سبتمبر

برج العذراء عاطفياً

حاول تبقى عملي حبة وتأجل الأحلام الصعبة لوقت تاني يكون مناسب، ووفر وقت مناسب للجلوس مع الأسرة.

برج العذراء عملياً

ابعد عن المذاكرة الجماعية مع أصحابك عشان هتضيع وقتك ومجهودك على الفاضى وهتفتحوا مواضيع بعيدة عن المذاكرة.

برج العذراء صحياً

العب رياضة مفيدة تكون بتحبها فى وقت فراغك، فالرياضة بتقوى العضلات والجسم وتنمى المخ.

تعرف على توافق برج العذراء مع باقي الأبراج النهاردة

متوافق مع الابراج الحلبسية والمطاطية والنارية.

أعرف حظك اليوم الأحد 19 -11-2017 ..برج العذراء

الميزان : من 23 سبتمبر إلى 22 اكتوبر

برج الميزان عاطفياً

أحتفظ بملاحظاتك اللاذعة لنفسك لأنك ممكن تخسر زملائك في الدراسة أو الجامعة.

برج الميزان عملياً

ضع خطة للمذاكرة وتنظيم وقت الدروس عشان متندمش فى الأخر أنك ضيعت وقتك على الفاضى.

برج الميزان صحياً

اخرج للشمس والهواء فاليوم مناسب عشان تغير جو بعيدا عن توتر وقلق الامتحانات.

تعرف على توافق برج الميزان مع باقي الأبراج النهاردة

متوافق مع الابراج الحسواكية والإنبهارية.

أعرف حظك اليوم الأحد 19 -11-2017 ..برج العقرب

العقرب: من 23 أكتوبر إلى 21 نوفمبر

برج العقرب عاطفياً

وجه عواطفك لشخص واحد فقط عشان متدخلش فى مشاكل نفسية أنت فى غنى عنها فى الفترة الحالية.

برج العقرب عملياً

اليوم هادي ومناسب أنك تلخص كل مادة من المواد الصعبة وتكتب كل ملاحظاتك المهمة فى نوته للمراجعة ليلة الامتحان.

برج العقرب صحياً

صداع بسيط نوم طول اليوم ابعد عن المسكنات وعالج الصداع بالراحة فى النوم والأكل المفيد.

تعرف على توافق برج العقرب مع باقي الأبراج النهاردة

متوافق مع الابراج الحنكوشية والحنتوسية والهوائية.

أعرف حظك اليوم الأحد 19 -11-2017 ..برج القوس

القوس: من 22 نوفمبر إلى 21 ديسمبر

برج القوس عاطفياً

انهرده يوم سعيد ومليان بالمفاجات وهتقابل شخص هيكون صديقك الوفى لاخر العمر.

برج القوس عملياً

أحلامك هتتحقق بس بالصبر والتحدى وركز على أنك تحط خطة محددة لمستقبلك فى الدراسة.

برج القوس صحياً

الم شديد في الأسنان بسبب كثرة أكل الحلويات والسكر والشيكولاته، فاهتم بغسيل أسنانك .

تعرف على توافق برج القوس مع باقي الأبراج النهاردة

متوافق مع الابراج النارية والكبريتية.

أعرف حظك اليوم الأحد 19 -11-2017 ..برج الجدى 

الجدى: من 22 ديسمبر إلى 19 يناير

برج الجدي عاطفياً

النهاردة يوم مناسب أنك تتعرف على كثير من زملائك خاصة بين المحاضرات.

برج الجدي عملياً

اشترك فى الأنشطة المدرسية أو الجامعية عشان تجدد نشاطك، فالموهبة لها دور إيجابى فى النجاح التفوق.

برج الجدي صحياً

اهتم بأكل الأطعمة التي تزيد من النشاط منها الشوكولاتة والأسماك كالتونة والسلمون.

تعرف على توافق برج الجدي مع باقي الأبراج النهاردة

متوافق مع الابراج الفسفسائية والترابية.

أعرف حظك اليوم الأحد 19 -11-2017 ..برج الدلو

الدلو: من 20 يناير إلى 18 فبراير

برج الدلو عاطفياً

ابعد عن اصدقاء السوء حتى لو تعرفهم من زمان عشان متخسرش نفسك وتندم فى النهاية.

برج الدلو عملياً

طاقتك انهرده قليلة بالرغم من انك في أول الأسبوع فحاول تعرف السبب، وكبر دماغك من المشاكل العائلية البسيطة.

برج الدلو صحياً

صحتك كويسة بس أبعد عن الأطعمة الدسمة عشان بتسبب الكسل والخمول وهتقلل من تركيزك.

تعرف على توافق برج الدلو مع باقي الأبراج النهاردة

متوافق مع الابراج الخيالية والترابية.

أعرف حظك اليوم الأحد 19 -11-2017 ..برج الحوت

الحوت: من 19 فبراير إلى 20 مارس

برج الحوت عاطفياً

خلافات مع أحد الزملاء بسبب الغيرة حاول أنك متتأثرش وتكون ملتزم فى ردك عليه.

برج الحوت عملياً

انهرده يوم مميز جدا وكل زملائك فى الدراسة هيعجبوا بشخصيك وطريقتك فى الإجابات فاستمر على نفس المستوى.

برج الحوت صحياً

نفسيتك محتاجة اهتمام وخروجات واكل وسينما وفسح لتجديد طاقتك .

تعرف على توافق برج الحوت مع باقي الأبراج النهاردة

متوافق مع الابراج الحربائية والهوائية.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *