الرئيسية / منوعات / الابراج / للطلبة والطالبات.. أعرف حظك اليوم الأثنين 20 نوفمبر ..الأسد :حافظ على صحاب المدرسة و الجامعة ..و القوس مفيش فى الحب كرامة انت غلطان

للطلبة والطالبات.. أعرف حظك اليوم الأثنين 20 نوفمبر ..الأسد :حافظ على صحاب المدرسة و الجامعة ..و القوس مفيش فى الحب كرامة انت غلطان

نهى عبد النبى
أعرف حظك اليوم وتوقعات الأبراج معانا فى موقع كايرودار وياريت متاخدش الكلام على صدرك..فى الأول والأخر انت اللي بتعمل حظك اليوم بتصرفاتك فى الحياة ومينفعش حد يقولك هتبقى مبسوط النهاردة أو لأ إلا أنت..استمتع بوقتك فى الدراسة سواء في الجامعة أو المدرسة عشان دى أحلى مرحلة في العمر..وصباحك فل وسعادة.
أعرف حظك اليوم الأثنين 20 -11-2017 ..برج الحمل
الحمل: من 21 مارس إلى 19 ابريل
برج الحمل عاطفياً
الفلك بيقول لمدرسين الثانوي متبقاش شديد مع التلاميذ لان الشدة أحيانا بتجيب نتيجة عكسية.
برج الحمل عملياً
أبعد من التكنولوجيا النهاردة لأنها سلاح ذو حدين..هتضيع وقتك ويومك عشان كدة لازم تتعامل معاها بحرص.
برج الحمل صحياً
صحتك كويسة جدا بس قلل من أكل اللب السورى والسودانى والفشار والبطاطس المحمرة.
لونك اليوم
أصفر فاتح.
تعرف على توافق برج الحمل مع باقي الأبراج النهاردة

متوافق مع الابراج البلاستيكية والحلزونية والكتكوتية.

أعرف حظك اليوم الأثنين 20 -11-2017 ..برج الثور
الثور : من 20 ابريل إلى 20 مايو
برج الثور عاطفياً
كبر دماغك ومتضيعش وقتك وأنت بتحاول تقنع حد بحاجة هو مقرر انه ميقتنعش بيها، وخليك بعيد عن الأحداث العائلية الفترة دى .
برج الثور عملياً
ياريت متنتقدش حد من زملائك فى الدراسة قبل ما تبادر وتصحح أوضاعك أنت الأول.
برج الثور صحياً
المشى مهم لصحتك وخصوصا بعد كل اكلة النهاردة عشان تهضم بشكل كويس وياريت تخف من الشاى والقهوة.
لونك اليوم
أخضر غامق.
تعرف على توافق برج الثور مع باقي الأبراج النهاردة
متوافق مع الابراج المستحية والخيالية.

أعرف حظك اليوم الأثنين 20 -11-2017 ..برج الجوزاء

الجوزاء: من 21 مايو إلى 20 يونيو
برج الجوزاء عاطفياً
أهتم النهاردة بالشخص اللى بتحبه لأنه زعلان و بيعاني من إهمالك ليه واشتريله هدية بسيطة حتى لو شيكولاتة أو وردة بسيطة.
برج الجوزاء عملياً
أصحى بدرى عشان مذاكرة الفجرية بتثبت فى المخ وهتفتكر كل اللى حفظته فى الوقت ده ليلة الأمتحان.
برج الجوزاء صحياً
عينيك بتوجعك من كثر السهر والمذاكرة ولازم تروح تكشف، وتنظم وقت نومك عشان ميقلش عن 8 ساعات متواصلة.
لونك اليوم
أزرق فاتح.
تعرف على توافق برج الجوزاء مع باقي الأبراج النهاردة
متوافق مع الابراج البسبوسية والحرنكشية.

أعرف حظك اليوم الأثنين 20 -11-2017 ..برج السرطان
السرطان: من 21 يونيو إلى 22 يوليو
برج السرطان عاطفياً
أبعد عن الحب وغني له أنت فى مرحلة صعبة محتاج أنك تركز في الدراسة وبس عشان متندمش على تضيع وقتك فى أوهام.
برج السرطان عملياً
متعملش نفسك عيان عشان تهرب من مسئولياتك النهاردة .. واجه الأمور وحاول تلاقى حلول لمشاكلك.
برج السرطان صحياً
اهتم باكل السلطة النهاردة وكفاية لخبطة في الأكل زى أمبارح عشان معدتك ترتاح.
لونك اليوم
أحمر وردى.
تعرف على توافق برج السرطان مع باقي الأبراج النهاردة
متوافق مع الابراج الزلومية والحلبسية.

أعرف حظك اليوم الأثنين 20 -11-2017 ..برج الأسد

الأسد: من 23 يوليو إلى 22 اغسطس
برج الأسد عاطفياً
أحسن أصحاب هما أصحاب المدرسة والجامعة حافظ على علاقتك معاهم طول العمر، عشان الشغل هيكون فى اسفنة ومقالب.
برج الأسد عملياً
المذاكرة محتاجة تركيز أبعد عن الموبايل والفيس ووسائل التكنولوجيا عشان بتلهيك عن الدراسة والحفظ.
برج الأسد صحياً
نفسيتك النهاردة مش مظبوطة وغالبا هيجيلك  كوابيس أو أحلام مزعجة، حاول تغير جو مع حد بتحبه.
لونك اليوم
أصفر.
تعرف على توافق برج الأسد مع باقي الأبراج النهاردة
متوافق مع الابراج البرمائية والحبشتكانية.

أعرف حظك اليوم الأثنين 20 -11-2017 ..برج العذراء
العذراء: من 23 اغسطس إلى 22 سبتمبر
برج العذراء عاطفياً
ابعد عن العزلة والوحدة عشان متفضلش طول عمرك وحيد، ودور على الصاحب الوفي الأمين.
برج العذراء عملياً
اطلب من حد عنده خبرة يشرحلك كل الدروس اللى أنت مش فهمها عشان مع الوقت هتلقيهم هم ما يتلم.
برج العذراء صحياً
متهملش في صحتك وتستهتر بيها ومن الأفضل أنك تبعد عن أي وجع سواء نفسيا أو جسديا.
لونك اليوم
كاروهات.

تعرف على توافق برج العذراء مع باقي الأبراج النهاردة
متوافق مع الابراج الحلبسية والمطاطية والنارية.

أعرف حظك اليوم الأثنين 20 -11-2017 ..برج الميزان 
الميزان : من 23 سبتمبر إلى 22 اكتوبر
برج الميزان عاطفياً
خليك مع نفسك وكبر دماغك وعيش زي مابتحب،  ومتسمحش لحد يخرجك من الحالة دي.
برج الميزان عملياً
خلى بالك في ناس حوليك بتحب مصلحتها حاول تفهمهم وتبعد عنهم عشان متخسرش كثير.
برج الميزان صحياً
السهر مش مناسب لوقتك الحالي والتفكير الزيادة هيأثر على نفسيتك ارمي كل حاجة وراء ظهرك ومتفكرش كثير.
لونك اليوم
زيتى غامق.
تعرف على توافق برج الميزان مع باقي الأبراج النهاردة
متوافق مع الابراج الحسواكية والإنبهارية.

أعرف حظك اليوم الأثنين 20 -11-2017 ..برج العقرب
العقرب: من 23 أكتوبر إلى 21 نوفمبر
برج العقرب عاطفياً
حب اللي يحبك وأبعد عن الناس المنفسنة عشان مع الوقت هيجبولك إحباط وارتفاع في الضغط وأمراض كثيرة.
برج العقرب عملياً
الامتحانات على الأبواب استعدلها نفسيا وصحيا، عشان متخذلش كل اللي تعبوا عشانك.
برج العقرب صحياً
صحتك في تدهور بسبب عصبيتك الزيادة في الفترة دي، حاول تكون هادى عشان نفسك وغيرك.
لونك اليوم
سماوى فاتح.
تعرف على توافق برج العقرب مع باقي الأبراج النهاردة
متوافق مع الأبراج النارية والكبريتية.

أعرف حظك اليوم الأثنين 20 -11-2017 ..برج القوس

القوس: من 22 نوفمبر إلى 21 ديسمبر
برج القوس عاطفياً
مفيش في الحب كرامة طول ما أنت اللي غلطان..لو كرامتك أهم من الحب..خليها تنفعك بقى وتونس وحدتك براحتها.

برج القوس عملياً
نفسك في حاجات كتير ومش طايلها متوقفش عليها حياتك وأعمل اللي عليك ومع الوقت هتحقق أحلامك.
برج القوس صحياً
صحتك كويسة بس محتاج تنظم أكلك عشان أنت معرض للإصابة بأمراض في المعدة بسبب لخبطة الأكل.
لونك اليوم
أسود.
تعرف على توافق برج القوس مع باقي الأبراج النهاردة
متوافق مع الابراج الحنكوشية والحنتوسية والهوائية.

أعرف حظك اليوم الأثنين 20 -11-2017 ..برج الجدى 
الجدى: من 22 ديسمبر إلى 19 يناير
برج الجدي عاطفياً
الفلك بيقولك النهاردة هتقابل شخص بقالك سنين مشفتهوش وهترجع علاقتكم أقوى من زمان.
برج الجدي عملياً
أعمل الصح من وجهة نظرك مش من وجهة نظر الناس، وأتحمل نتيجة قراراتك عشان ده مستقبلك أنت وبس.
برج الجدي صحياً
صحتك بالدنيا حاول تحافظ عليها وأهتم بشرب الميه ومتنسهاش فى ضغوطات يومك الطويل.
لونك اليوم
كحلى.
تعرف على توافق برج الجدي مع باقي الأبراج النهاردة
متوافق مع الابراج الفسفسائية والترابية.

أعرف حظك اليوم الأثنين 20 -11-2017 ..برج الدلو
الدلو: من 20 يناير إلى 18 فبراير
برج الدلو عاطفياً
توتر في علاقتك العاطفية من غير أسباب واضحة، حاول تحل مشاكلك البسيطة عشان الأمور متتعقدش.
برج الدلو عملياً
محتاج تنظم وقت نومك ومذكرتك، عشان مع الوقت هتلاقي نفسك متوتر بسبب عدم تنظيمك.
برج الدلو صحياً
محتاج تلعب كورة بشكل لطيف وخفيف من غير منافسة مع حد، عشان تفك عضلاتك وتغير من نفسيتك.
لونك اليوم
روز فاتح.

تعرف على توافق برج الدلو مع باقي الأبراج النهاردة
متوافق مع الأبراج الخيالية والترابية.

أعرف حظك اليوم الأثنين 20 -11-2017 ..برج الحوت

الحوت: من 19 فبراير إلى 20 مارس
برج الحوت عاطفياً

دور في النوتة القديمة على أرقام زملاء المدرسة وأتصل بيهم عشان تتقابلوا.
برج الحوت عملياً
خليك أنت الكويس وسامح زميلك في الجامعة لو استخف بطريقتك وأسلوبك ومع الوقت هيعرف غلطه.
برج الحوت صحياً
لو بتشتكي من أي وجع ولو بسيط اكشف ومتستناش، عشان صحتك بالدنيا.
لونك اليوم
لبنى.
تعرف على توافق برج الحوت مع باقي الأبراج النهاردة
متوافق مع الأبراج الحربائية والهوائية.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *