الرئيسية / منوعات / الابراج /  للطلبة والطالبات المدرسين والمدرسات.. أعرف حظك اليوم الأربعاء 22 نوفمبر..برج الثور أبعد عن المسلسلات وامسكلك كتاب ينفعك..برج الميزان..القهوة مش ديما صحية
الابراج

 للطلبة والطالبات المدرسين والمدرسات.. أعرف حظك اليوم الأربعاء 22 نوفمبر..برج الثور أبعد عن المسلسلات وامسكلك كتاب ينفعك..برج الميزان..القهوة مش ديما صحية

كتبت: نهى عبد النبى

أعرف حظك اليوم وتوقعات الأبراج معانا فى موقع كايرودار وياريت متاخدش الكلام على صدرك..في الأول والأخر أنت اللي بتعمل حظك اليوم بتصرفاتك فى الحياة ومينفعش حد يقولك هتبقي مبسوط النهاردة أو لأ إلا أنت..استمتع بوقتك فى الدراسة سواء في الجامعة أو المدرسة عشان دى أحلى مرحلة في العمر..وصباحك فل وسعادة.
أعرف حظك اليوم الأربعاء 22 -11-2017 ..برج الحمل
الحمل: من 21 مارس إلى 19 ابريل
برج الحمل عاطفياً
هتقابل شخص كنت على خلاف معاه في الماضي وهيعتذرلك وترجع الميه لمجاريها.
برج الحمل عملياً
أهتم بمذاكرة المواد اللى درجتك قلة فيها السنة اللى فاتت عشان متكررش نفس الغلط.
برج الحمل صحياً
لازم تهتم بأكل كل الخضروات الخضراء زى السبانخ والملوخية والخس والجرجير.
لونك اليوم.
أحمر وردى.
تعرف على توافق برج الحمل مع باقي الأبراج النهاردة
متوافق مع الابراج البسبوسية والحرنكشية.

أعرف حظك اليوم الأربعاء 22 -11-2017 ..برج الثور
الثور : من 20 إبريل إلى 20 مايو
برج الثور عاطفياً
خليك طيب ومتسامح مع زمايلك سواء فى المدرسة أو الجامعة.
برج الثور عملياً
أبعد عن المسلسلات الهندي والتركي وامسكلك كتاب ينفعك الامتحانات على الأبواب.
برج الثور صحياً
متأكلش حلويات كثير عشان أسنانك، وعالج التسوس الأول.
لونك اليوم
أزرق.
تعرف على توافق برج الثور مع باقي الأبراج النهاردة
متوافق مع الأبراج البلاستيكية والحلزونية والكتكوتية

أعرف حظك اليوم الأربعاء 22 -11-2017 ..برج الجوزاء

الجوزاء: من 21 مايو إلى 20 يونيو
برج الجوزاء عاطفياً
مش أي حد يطلب منك ملزمة وقلم يبقى معجب، ركز في دراستك وابعد عن أوهامك.
برج الجوزاء عملياً
اختار غرفة مناسبة للمذاكرة بعيدة عن قعدة الأسرة والتلفزيون ودوشة الشارع.
برج الجوزاء صحياً
ابعد عن التفكير في السلبيات مهما حاوطتك، وبلاش إهمال عشان نفسيتك.
لونك اليوم
أصفر.
تعرف على توافق برج الجوزاء مع باقي الأبراج النهاردة
متوافق مع الأبراج المستحية والخيالية.

أعرف حظك اليوم الأربعاء 22 -11-2017 ..برج السرطان
السرطان: من 21 يونيو إلى 22 يوليو
برج السرطان عاطفياً
مش كل الناس اللي بتظهرلك حبها بتحبك، خلى بالك من الناس اللي بوشين.
برج السرطان عملياً
أتقبل نقد الآخرين، فالإصرار والمقاوحة في الغلط هتوديك في طريق غير سليم.
برج السرطان صحياً
متركزش مع حد عشان ميجلكش اكتئاب وأنت صغير، خليك فى حالك وانبسط بطريقتك ومع نفسك.
لونك اليوم
لبنى.
تعرف على توافق برج السرطان مع باقي الأبراج النهاردة
متوافق مع الأبراج الزلومية والحلبسية.

أعرف حظك اليوم الأربعاء 22 -11-2017 ..برج الأسد
الأسد: من 23 يوليو إلى 22 أغسطس
برج الأسد عاطفياً
غرورك هيسببلك مشاكل كثير مع الحبيب وهيكره وجوده معاك.
برج الأسد عملياً
أهتم بحضور المراجعات وأكتب النقط المهمة في كشكول عشان ترجعهم ليلة الامتحان.
برج الأسد صحياً
الجو متقلب أهتم بصحتك وزود في لبسك عشان ميجلكش دور برد.
لونك اليوم
برتقالى
تعرف على توافق برج الأسد مع باقي الأبراج النهاردة
متوافق مع الأبراج البرمائية والحبشتكانية

أعرف حظك اليوم الأربعاء 22 -11-2017 ..برج العذراء

العذراء: من 23 أغسطس إلى 22 سبتمبر
برج العذراء عاطفياً
يومك النهاردة رومانسي وهيجيلك هدية من شخص محبب.
برج العذراء عملياً
متأجلش مهامك اليومية ودروسك لبكره عشان متندمش على اللي فات.
برج العذراء صحياً
أتغلب على الشعور بالكسل اللي مسيطر عليك.
لونك اليوم
أزرق
تعرف على توافق برج العذراء مع باقي الأبراج النهاردة
متوافق مع الأبراج الحسواكية والإنبهارية

أعرف حظك اليوم الأربعاء 22 -11-2017 ..برج العذراء
الميزان : من 23 سبتمبر إلى 22 أكتوبر
برج الميزان عاطفياً
خليك متفائل ومتصالح مع نفسك و راضى عن شكلك مهما كنت، ومتعاملش حد بمعملته.
برج الميزان عملياً
مهما كانت الخلافات فى الشغل خليك واثق فى نفسك ومتستسلمش للهزيمة
برج الميزان صحيا
القهوة مش ديما صحية ، قلل منها وخليك فى الصحى
لونك اليوم
أحمر
تعرف على توافق برج الميزان مع باقي الأبراج النهاردة
متوافق مع الأبراج الحلبسية والمطاطية والنارية.

أعرف حظك اليوم الأربعاء 22 -11-2017 ..برج العقرب
العقرب: من 23 أكتوبر إلى 21 نوفمبر
برج العقرب عاطفياً
بعد حب سنين اخيرا هينطق وهيقولك بحبك تتجوزينى..
برج العقرب عملياً
متحاولش تبقى حد تانى غير نفسك ، خليك واثق فى نفسك ودور فى نفسك جوا نفسك.
برج العقرب صحياً
سيبك من الكشرى والمحشى وخليك فى الفاكهة والخضار عشان صحتك.
لونك اليوم
بينك .
تعرف على توافق برج العقرب مع باقي الأبراج النهاردة
متوافق مع الأبراج النارية والكبريتية.

أعرف حظك اليوم الأربعاء 22 -11-2017 ..برج القوس
القوس: من 22 نوفمبر إلى 21 ديسمبر
برج القوس عاطفياً
سيبك من أوهامك وخيالك وخليك واقعى، لو بيحبك كان قالك.
برج القوس عملياً
درجات عالية فى الامتحان ، مع انك مذاكرتش أصلا .
برج القوس صحياً
اجرى وأمشى والعب بدل ميجيلك سمنة وسكر .
لونك اليوم
كاشمير.
تعرف على توافق برج القوس مع باقي الأبراج النهاردة
متوافق مع الأبراج الحنكوشية والحنتوسية والهوائية

أعرف حظك اليوم الأربعاء 22 -11-2017 ..برج القوس
الجدى: من 22 ديسمبر إلى 19 يناير
برج الجدي عاطفياً
حدد موقفك ومتعشمش الناس فيك ،وخليك عارف إن الحب بييجى مرة واحدة
برج الجدي عملياً
ضغوط ومشاكل فى العمل متخلهاش تأثر على صحتك.
برج الجدي صحياً
الصحة حديد لكن النفسية بايظة، خلى بالك من صحتك ومش كل حاجة على أعصابك .
لونك اليوم
أبيض.
تعرف على توافق برج الجدي مع باقي الأبراج النهاردة
متوافق مع الابراج الفسفسائية والترابية

أعرف حظك اليوم الأربعاء 22 -11-2017 ..برج الدلو
الدلو: من 20 يناير إلى 18 فبراير
برج الدلو عاطفياً
أيام وسنين ويبقى الوضع على هذا الحال، خلى بالك الحبيب مش هيستناك أكثر من كده.
برج الدلو عملياً
نظم وقتك وحياتك علشان متخسرش عملك .
برج الدلو صحياً
خلى بالك من صحتك وكل خضار وفاكه كثير.
لونك اليوم
أخضر.
تعرف على توافق برج الدلو مع باقي الأبراج النهاردة
متوافق مع الأبراج الخيالية والترابية.

أعرف حظك اليوم الأربعاء 22 -11-2017 ..برج الحوت

الحوت: من 19 فبراير إلى 20 مارس
برج الحوت عاطفياً
خيالك الواسع هيوديك فى داهية، خليك واقعي وعيش اللحظة من غير متغير فى تفاصيلها .
برج الحوت عملياً
أنت شاطر وذكى في عملك لكن عصبيتك الزايدة هتخسرك شغلك.
برج الحوت صحياً
مش أى صداع يبقى مرض، ريح نفسك من التفكير وهدى أعصابك بالأعشاب الطبيعية.
لونك اليوم
أزرق.
تعرف على توافق برج الحوت مع باقي الأبراج النهاردة
متوافق مع الأبراج الحربائية والهوائية.
[٢٣:٢٢، ٢٠١٧/١١/٢١] اميره عبد السلام:

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *