الرئيسية / منوعات / الابراج / للطلبة والطالبات المدرسين والمدرسات .. أعرف حظك اليوم السبت ٢٥ نوفمبر .. برج الثور : النهاردة يوم سعيد .. وبرج الجدى : مودك مش متظبط

للطلبة والطالبات المدرسين والمدرسات .. أعرف حظك اليوم السبت ٢٥ نوفمبر .. برج الثور : النهاردة يوم سعيد .. وبرج الجدى : مودك مش متظبط

 

كتبت : رنا جمال

أعرف حظك اليوم وتوقعات الأبراج معانا فى موقع كايرودار وياريت متاخدش الكلام على صدرك..في الأول والأخر أنت اللي بتعمل حظك اليوم بتصرفاتك فى الحياة ومينفعش حد يقولك هتبقي مبسوط النهاردة أو لأ إلا أنت..استمتع بوقتك فى الدراسة سواء في الجامعة أو المدرسة عشان دى أحلى مرحلة في العمر..وصباحك فل وسعادة.

 

أعرف حظك اليوم السبت ٢٥_١١_٢٠١٧ .. برج الحمل

الحمل : من ٢١ مارس إلى ١٩ إبريل

برج الحمل عاطفيا

انت شخص إجتماعى جدا ، وبتحب كل الناس ومش بتحب تشوف حد زعلان منك نهائى .

برج الحمل عمليا

انت النهارده هتحاول تتخلص من جميع الضغوط اللى حواليك ، تقضى ويك اند لطيف مع نفسك .

برج الحمل صحيا

حاول تهتم بصحتك شوية اكتر من كدا .

لونك اليوم

البينك

تعرف على توافق برج الحمل مع باقى الأبراج النهارده

متوافق مع الابراج البسبوسية والحرنكشية

 

أعرف حظك اليوم السبت ٢٥_١١_٢٠١٧ .. برج الثور

الثور : من ٢٠ إبريل إلى ٢٠ مايو

برج الثور عاطفيا

انت النهاردة يوم سعيد بالنسبة لك ، علشان هتحقق أحلامك مع الشريك .

برج الثور عمليا

حاول تزاكر كويس علشان الامتحانات قربت ، وياريت تختار غرفة هادية بعيد عن التليفون والتليفزيون .

برج الثور صحيا

حاول تشترك فى اى نشاطات علشان تساعد جسمك على الحركة .

لونك اليوم

أخضر غامق

تعرف على توافق برج الثور مع باقى الأبراج النهارده

متوافق مع الأبراج البلاستيكية والحلزونية والكتكوتية

 

أعرف حظك اليوم السبت ٢٥_١١_٢٠١٧ .. برج الجوزاء

الجوزاء : من ٢١ مايو إلى ٢٠ يونيو

برج الجوزاء عاطفيا

حاول تعبر عن مشاعرك بكل صراحة للشريك ،لانه محتاج يسمع كلمة حلوة منك .

برج الجوزاء عمليا

حاول تركز شوية الفترة دى فى المذاكرة ، لان الامتحانات على الابواب .

برج الجوزاء صحيا

لازم تشرب سوايل كتير علشان صحتك ،وبلاش الشاى والقهوة .

لونك اليوم

الأحمر

تعرف على توافق برج الجوزاء مع باقى الأبراج النهارده

متوافق مع الأبراج المستحية والخيالية

 

أعرف حظك اليوم السبت ٢٥_١١_٢٠١٧ .. برج السرطان

السرطان : من ٢١ يونيو إلى ٢٢ يوليو

برج السرطان عاطفيا

الفلك بيقولك انت النهارده يومك جميل جدا ، حاول تعيش حياتك وتستمع على قد ما تقدر .

برج السرطان عمليا

حاول تتخلص من عصبيتك ، وتركز شوية علشان تقدر تاخد قرار .

برج السرطان صحيا

حاول تنظم أكلك أكتر من كدا ، علشان انت عرضة للإصابة بالسكر .

لونك اليوم

أصفر

تعرف على توافق برج السرطان مع باقى النهارده النهاردة

متوافق مع الأبراج الزلومية والحلبسية

 

أعرف حظك اليوم السبت ٢٥_١١_٢٠١٧ .. برج الأسد

الأسد : من ٢٣ يوليو إلى ٢٢ أغسطس

برج. الاسد عاطفيا

حاول تبعد عن المشكلات العائلية الفترة دى ، وخليك فى المذاكرة أفيدلك .

برج الأسد عمليا

حاول متعملش نفسك تعبان النهارده ، علشان تقدر تراجع جميع دروسك .

برج الأسد صحيا

صحتك زى الفل ، بس حاول تبعد عن الأكلات المالحة لانها بتتسبب فى ارتفاع الضغط .

لونك اليوم

كاروهات

تعرف على توافق برج الأسد مع باقى الأبراج النهارده

متوافق مع الأبراج البرمائية والحبشتكانية

 

أعرف حظك اليوم السبت ٢٥_١١_٢٠١٧ .. برج العذراء

العذراء : من ٢٣ أغسطس إلى ٢٢ سبتمبر

برج العذراء عاطفيا

حاول تبعد عن الناس المنفسنة ، علشان هما سبب تدهور صحتك .

برج العذراء عمليا

حاول تستعد للامتحانات ، علشان تفرح جميع الناس اللى تعبوا علشانك .

برج العذراء صحيا

انت معرض للإصابة بأمراض فى المعدة ، حاول تنظم أكلك وبلاش الاكلات الجاهزة المضرة .

لونك اليوم

بينك فاتح

تعرف على توافق برج العذراء مع باقى الأبراج النهاردة

متوافق مع الأبراج الحسواكية والانبهارية

 

 

أعرف حظك اليوم السبت ٢٥_١١_٢٠١٧ .. برج الميزان

الميزان : من ٢٣ سبتمبر إلى ٢٢ أكتوبر

برج الميزان عاطفيا

توتر فى علاقتك مع الشريك ، حاول تحل مشاكلك علشان متتعقدش العلاقة أكثر من كدا

برج الميزان عمليا

مزاجك متقلب ، حاول تعمل حاجة بتحبها علشان تغير مودك

برج الميزان صحيا

انت جسمك رشيق ومش محتاج تعمل دايت ،بس كل اللى عليك انك تحاول تنظم شوية فى أكلك

لونك اليوم

رمادى فاتح

تعرف على توافق برج الميزان مع باقى الأبراج النهارده

متوافق مع الأبراج الحلبسية والمطاطية والنارية

 

أعرف حظك اليوم السبت ٢٥_١١_٢٠١٧ .. برج العقرب

العقرب : من ٢٣ أكتوبر إلى ٢١ نوفمبر

برج العقرب عاطفيا

حاولى تراعى مشاعر الآخرين ، لان كلامك بيزعل الحبيب وانت مش واخد بالك .

برج العقرب عمليا

حاول تتعامل مع تلاميذك بطريقة صحيحة ، وابتعد عن الشدة لان العنف بيولد الانفجار

برج العقرب صحيا

اهتم بالمشروبات الساخنة اكثر من ذلك ، لانها بتساعدك على الاسترخاء والنوم بهدوء

لونك اليوم

فسفورى

تعرف على توافق برج العقرب مع باقى الأبراج النهارده

متوافق مع الأبراج النارية والكبريتية

 

أعرف حظك اليوم السبت ٢٥_١١_٢٠١٧ .. برج القوس

القوس : من ٢٢ نوفمبر إلى ٢١ ديسمبر

برج القوس عاطفيا

انت بتحاول دايما تمثل دور الطيب ، لانك عاوز طول الوقت تمشى الدنيا على مزاجك

برج القوس عمليا

لا تؤجل عمل اليوم إلى الغد ، حاول تخلص مذاكرتك وبلاش السهر طول الليل على الفيس بوك

برج القوس صحيا

النهارده يوم فرى من الدايت ، ممكن تاكل كل اللى نفسك فيه بس بحدود علشان تحافظ على صحتك

لونك النهارده

روز

تعرف على توافق برج القوس مع باقى الأبراج النهارده

متوافق مع الأبراج الحنكوشية والحنتوسية والهوائية

 

أعرف حظك اليوم السبت ٢٥_١١_٢٠١٧ .. برج الجدى

الجدى : من ٢٢ ديسمبر إلى ١٩ يناير

برج الجدى عاطفيا

مودك مش متظبط اليومين دول ، حاول تتخلص من جميع المشاكل اللى بتسببلك ضغط نفسى

برج الجدى عمليا

حاول تبقى حريص وتحافظ على فلوسك اكتر من كدا

برج الجدى صحيا

انت صحتك كويسة ، بس محتاج تتهوى شوية وتقضى ويك اند لطيف مع شخص بتحبه

لونك اليوم

أحمر وردى

تعرف على توافق برج الجدي مع باقى الأبراج النهارده

متوافق مع الأبراج الفسفسائية والترابية

 

أعرف حظك اليوم السبت ٢٥_١١_٢٠١٧ .. برج الدلو

الدلو : من ٢٠ يناير إلى ١٨ فبراير

برج الدلو عاطفيا

الشريك بيعانى من اهمالك ليه ، حاول تهتم بيه شوية اكتر من كدا علشان ممكن تخسره فى اى وقت

برج الدلو عمليا

انت شخص دايما ناجح ، بس حاول تركز فى مستقبلك وتبذل مجهود أكتر من كدا

برج الدلو صحيا

حاول تحافظ على صحتك كويس ، لانك شكلك داخل على دور برد ، ولازم تشرب مشروبات دافية كتير زى النعناع ، او اليانسون

لونك اليوم

أزرق فاتح

تعرف على توافق برج الدلو مع باقى الأبراج النهارده

متوافق مع الأبراج الخيالية والترابية

 

أعرف حظك اليوم السبت ٢٥_١١_٢٠١٧ .. برج الحوت

الحوت : من ١٩ فبراير إلى ٢٠ مارس

برج الحوت عاطفيا

حاول تحل جميع مشاكلك مع الحبيب بهدوء ، لانها دايما بتبقى مشاكل ناتجة عن سوء تفاهم بينكم

برج الحوت عمليا

حاول تذاكر دروسك أول بأول ، بدل ما تتراكم عليك جميع الدروس

برج الحوت صحيا

ابتعد عن الكشرى والأطعمة التى تزيد من الام القولون العصبى ، علشان تحافظ على معدتك

لونك اليوم

بنى

تعرف على توافق برج الحوت مع باقى الأبراج النهاردة

متوافق مع الأبراج الحربائية والهوائية

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *