الرئيسية / توب / للطلبة والطالبات..للمدرسين والمدرسات أعرف حظك اليوم الثلاثاء 5-12-2017 ..العذراء: متركزيش مع الكراش فى المحاضرة. الجدى : هتسمع خبر مش لطيف

للطلبة والطالبات..للمدرسين والمدرسات أعرف حظك اليوم الثلاثاء 5-12-2017 ..العذراء: متركزيش مع الكراش فى المحاضرة. الجدى : هتسمع خبر مش لطيف

نهى عبد النبى

أعرف حظك اليوم وتوقعات الأبراج معانا في موقع كايرودار وياريت متاخدش الكلام على صدرك..في الأول والأخر أنت اللي بتعمل حظك اليوم بتصرفاتك في الحياة ومينفعش حد يقولك هتبقي مبسوط النهاردة أو لأ إلا أنت..استمتع بوقتك في الدراسة سواء في الجامعة أو المدرسة عشان دي أحلى مرحلة في العمر..وصباحك فل وسعادة

أعرف حظك اليوم الثلاثاء 5 -12-2017 ..برج الحمل

الحمل: من 21 مارس إلى 19 ابريل

برج الحمل عاطفياً

اهتم شوية بالشخص اللي بتحبه لأنه زعلان و بيعاني من إهمالك ليه طول الفترة اللى عدت.

برج الحمل عملياً

النهاردة يوم مميز كل زملائك هيندهشوا بطريقتك وأسلوبك المختلف في الإجابات.

برج الحمل صحياً

لازم تمشى كثير عشان صحتك وخصوصا بعد كل أكلة النهاردة .

لونك اليوم

أحمر.

تعرف على توافق برج الحمل مع باقي الأبراج النهاردة

متوافق مع الابراج البسبوسية والحرنكشية.

 

أعرف حظك اليوم الثلاثاء 5 -12-2017 ..برج الثور 

الثور : من 20 إبريل إلى 20 مايو

برج الثور عاطفياً

مشادات مع أحد الزملاء بسبب الغيرة كبر دماغك ومتتأثرش وخليك ملتزم فى ردك.

برج الثور عملياً

حاول متنتقدش حد من زملائك في الدراسة قبل ما تبادر وتصحح حالك أنت الأول.

برج الثور صحياً

نام بدري عشان تقدر تكمل يومك ومذكرتك بتركيز وبدون خمول وكسل.

لونك اليوم

أزرق.

تعرف على توافق برج الثور مع باقي الأبراج النهاردة

متوافق مع الأبراج البلاستيكية والحلزونية والكتكوتية.

 

أعرف حظك اليوم الثلاثاء 5 -12-2017 ..برج الجوزاء 

الجوزاء: من 21 مايو إلى 20 يونيو

 برج الجوزاء عاطفياً

النهاردة يوم مناسب جدا لتكوين أصدقاء جدد خاصة بين المحاضرات أو فى فترات الراحة.

برج الجوزاء عملياً

حماسك  قليل حاول تعرف السبب وتركز فى الامتحانات والاستعداد ليها، عشان متندمش.

برج الجوزاء صحياً

الم شديد في الأسنان بسبب أكل الحلويات والسكر والشيكولاته، فحاول تزور الطبيب .

لونك اليوم

أسود.

تعرف على توافق برج الجوزاء مع باقي الأبراج النهاردة

متوافق مع الأبراج المستحية والخيالية.

أعرف حظك اليوم الثلاثاء 5 -12-2017 ..برج السرطان 

السرطان: من 21 يونيو إلى 22 يوليو

برج السرطان عاطفياً

وجه عواطفك لشخص واحد بس وبلاش اللخبطة اللي أنت عملها لنفسك.

برج السرطان عملياً

فاضل خطوة واحدة على النجاح بس محتاج شوية صبر و تحدى وخطة مستقبلية.

برج السرطان صحياً

نام بدري عشان تقدر تكمل يومك ومذكرتك بتركيز وبدون خمول وكسل.

لونك اليوم

أصفر.

تعرف على توافق برج السرطان مع باقي الأبراج النهاردة

متوافق مع الأبراج الزلومية والحلبسية.

 

أعرف حظك اليوم الثلاثاء 5 -12-2017 ..برج الأسد 

الأسد: من 23 يوليو إلى 22 أغسطس

برج الأسد عاطفياً

الحب هيجي بس متستعجلش عليه عشان متكونش صخية سوء الاختيار والتسرع.

برج الأسد عملياً

حاول تقلل الفرجة على التلفزيون عشان تركز فى دراستك ومتضيعش وقتك، فالوقت كالسيف.

برج الأسد صحياً

صداع بسيط هيلزمك طول اليوم محتاج تاخد مسكن بسيط وتنام فترة كويسة.

لونك اليوم

أصفر.

تعرف على توافق برج الأسد مع باقي الأبراج النهاردة

متوافق مع الأبراج البرمائية والحبشتكانية.

 

أعرف حظك اليوم الثلاثاء 5 -12-2017 ..برج العذراء 

العذراء: من 23 أغسطس إلى 22 سبتمبر

برج العذراء عاطفياً

متركزيش مع الكراش أو الإكس فى المحاضرة المعلومة اللى هتفوتك مش هتتعوض تانى.

 برج العذراء عملياً

حاول تلخص كل المواد الصعبة وتكتب ملاحظاتك المهمة في نوته للمراجعة ليلة الامتحان.

برج العذراء صحياً

محتاج تخرج للشمس والهواء النهاردة مناسب عشان تغير جو  وتبعد عن التوتر والقلق .

لونك اليوم

زيتى .

تعرف على توافق برج العذراء مع باقي الأبراج النهاردة

متوافق مع الأبراج الحسواكية والإنبهارية.

 

أعرف حظك اليوم الثلاثاء 5-12-2017 ..برج الميزان 

الميزان : من 23 سبتمبر إلى 22 أكتوبر

برج الميزان عاطفيا

أنت لسه صغير بلاش تجرى وراء الأوهام لأن ممنهاش فايدة وهتفضل أوهام مهما عملت .

برج الميزان عملياً

بلاش تسمع كلام زمايلك فى كل حاجة أعمل اللي أنت شايفة صح ونظم وقتك بطريقتك.

برج الميزان صحياً

أهتم بالأكل اللى فيه فيتامين الحديد عشان تساعد المخ على التركيز وتمد الجسم بالطاقة.

لونك اليوم

برتقالى.

تعرف على توافق برج الميزان مع باقي الأبراج النهاردة

متوافق مع الأبراج الحلبسية والمطاطية والنارية.

 

أعرف حظك اليوم الثلاثاء  5-12-2017 ..برج العقرب 

العقرب: من 23 أكتوبر إلى 21 نوفمبر

برج العقرب عاطفياً

الشريك هيواجه مشكلة النهاردة وهيحتاجلك تقف جنبه، متخذلهوش لأنه في أشد الحاجة إليك.

برج العقرب عملياً

حاول تصحى بدرى عشان مذاكرة الفجرية بتثبت فى الدماغ ليوم الامتحان.

برج العقرب صحياً

السهر مش هيفيدك وقلة النوم هتسببلك عدم التركيز خصوصا وقت المذاكرة.

لونك اليوم

أصفر.

تعرف على توافق برج العقرب مع باقي الأبراج النهاردة

متوافق مع الأبراج النارية والكبريتية.

 

أعرف حظك اليوم الثلاثاء 5 -12-2017 ..برج القوس 

القوس: من 22 نوفمبر إلى 21 ديسمبر

برج القوس عاطفياً

أبعد عن الحب وغني له أنت فى مرحلة صعبة محتاج لكل دقيقة فى وقتك.

برج القوس عملياً

ركز على النقط المهمة والأسئلة المتوقعة وأنت بتذاكر وحاول تراجعها بشكل يومي لغاية الامتحان.

برج القوس صحياً

أهتم باكل السلطة النهاردة وكفاية لخبطة في الأكل عشان معدتك ترتاح.

لونك اليوم

أزرق.

تعرف على توافق برج القوس مع باقي الأبراج النهاردة

متوافق مع الأبراج الحنكوشية والحنتوسية والهوائية.

 

أعرف حظك اليوم الثلاثاء 5-12-2017 ..برج الجدى 

الجدى: من 22 ديسمبر إلى 19 يناير

برج الجدي عاطفياً

هتسمع خبر مش لطيف بخصوص الكراش، خليك قوى وارمى وراء ظهرك.

برج الجدي عملياً

واجه الأمور وحاول تلاقى حلول لمشاكلك من غير ما تهرب منها وتلجأ للنوم العميق.

برج الجدي صحياً

صحتك كويسة بس حاول تغير جو أو تروح لفسحة مع أصحابك تجدد نشاطك.

لونك اليوم

أخضر داكن.

تعرف على توافق برج الجدي مع باقي الأبراج النهاردة

متوافق مع الابراج الفسفسائية والترابية.

 

أعرف حظك اليوم الثلاثاء 5-12-2017 ..برج الدلو 

الدلو: من 20 يناير إلى 18 فبراير

برج الدلو عاطفياً

حاول تبعد عن العزلة والوحدة عشان متندمش على أحلى سنين عمرك.

برج الدلو عملياً

أبعد عن الموبايل والفيس ووسائل التكنولوجيا وقت المذاكرة عشان هتضيع وقتك.

برج الدلو صحياً

محتاج تهتم شويه بصحتك ورشاقتك زى زمان عشان وزنك زاد.

لونك اليوم

رمادى فاتح.

تعرف على توافق برج الدلو مع باقي الأبراج النهاردة

متوافق مع الأبراج الخيالية والترابية.

 

أعرف حظك اليوم الثلاثاء  5-12-2017 ..برج الحوت

الحوت: من 19 فبراير إلى 20 مارس

برج الحوت عاطفياً

أبعد عن الناس المنفسنة عشان مع الوقت هيجيلك إحباط وارتفاع في الضغط وأمراض كثيرة.

برج الحوت عملياً

محتاج تغير روتينك اليومى وتعمل جدول جديد يكون مناسب لفترة الامتحانات.

برج الحوت صحياً

التفكير الزيادة هيأثر على نفسيتك وصحتك حاول تفصل عشان متتعبش.

لونك اليوم

نبيتى.

تعرف على توافق برج الحوت مع باقي الأبراج النهاردة

متوافق مع الأبراج الحربائية والهوائية.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *