الرئيسية / توب / للطلبة والطالبات..للمدرسين والمدرسات أعرف حظك اليوم الأربعاء 6-12-2017 .. الأسد: بلاش تنكد على نفسك كثير..القوس : أبعد عن الأكلات السريعة

للطلبة والطالبات..للمدرسين والمدرسات أعرف حظك اليوم الأربعاء 6-12-2017 .. الأسد: بلاش تنكد على نفسك كثير..القوس : أبعد عن الأكلات السريعة

نهى عبد النبى

أعرف حظك اليوم وتوقعات الأبراج معانا في موقع كايرودار وياريت متاخدش الكلام على صدرك..في الأول والأخر أنت اللي بتعمل حظك اليوم بتصرفاتك في الحياة ومينفعش حد يقولك هتبقي مبسوط النهاردة أو لأ إلا أنت..استمتع بوقتك في الدراسة سواء في الجامعة أو المدرسة عشان دي أحلى مرحلة في العمر..وصباحك فل وسعادة.

أعرف حظك اليوم الأربعاء 6-12-2017 ..برج الحمل

الحمل: من 21 مارس إلى 19 ابريل

برج الحمل عاطفياً

محتاج تفصل بين القلب والعقل، قلبك عاوز يبقى حنين وطيب وعقلك مش عاجبه الكلام دة اطلاقا.

برج الحمل عملياً

طول ما أنت حاسس أنك صح مفيش داعى تتخانق عشان تثبت حقك وسيبك من الناس.

برج الحمل صحياً

محتاج تأكل شيكولاتة ومكسرات وسمك عشان تزود تركيزك فى المذاكرة.

لونك اليوم

أحمر.

تعرف على توافق برج الحمل مع باقي الأبراج النهاردة

متوافق مع الابراج البسبوسية والحرنكشية.

 

أعرف حظك اليوم الأربعاء 6 -12-2017 ..برج الثور 

الثور : من 20 إبريل إلى 20 مايو

برج الثور عاطفياً

النهاردة يوم مناسب جدا عشان تصالح الشريك بعد فترة بعاد طويلة.

برج الثور عملياً

استعد للامتحانات نفسيا وصحيا، عشان متخذلش كل اللي تعبوا عشانك ومنتظرين نجاحك.

برج الثور صحياً

أنت عرضة للإصابة بأمراض المعدة بسبب لخبطة الأكل واستهتارك بصحتك.

لونك اليوم

أزرق.

تعرف على توافق برج الثور مع باقي الأبراج النهاردة

متوافق مع الأبراج البلاستيكية والحلزونية والكتكوتية.

 

أعرف حظك اليوم الأربعاء 6 -12-2017 ..برج الجوزاء 

الجوزاء: من 21 مايو إلى 20 يونيو

 برج الجوزاء عاطفياً

قلل من العند مع الحبيب النهاردة ..الكوكب مش ناقص عند والله.. وخليك كول.

برج الجوزاء عملياً

ركز فى دراستك و حاول تطنش وتعمل نفسك مش واخد بالك من الناس المنفسنة.

برج الجوزاء صحياً

محتاج تصفى ذهنك من التوتر والصدام الدائم مع الحياة عشان نفسيتك.

لونك اليوم

أسود.

تعرف على توافق برج الجوزاء مع باقي الأبراج النهاردة

متوافق مع الأبراج المستحية والخيالية.

أعرف حظك اليوم الأربعاء 6 -12-2017 ..برج السرطان 

السرطان: من 21 يونيو إلى 22 يوليو

برج السرطان عاطفياً

حاول تبقى هادي النهاردة خصوصا أنك مقصر جدا مع الحبيب عشان معندكش وقت.

برج السرطان عملياً

محتاج تعمل مجهود زيادة في المراجعات وحل نماذج الامتحان عشان تدرب نفسك.

برج السرطان صحياً

شوية كحة عابرة أشرب جنزبيل وقرفة وشاي بالليمون وينسون وهتبقى تمام.

لونك اليوم

أصفر.

تعرف على توافق برج السرطان مع باقي الأبراج النهاردة

متوافق مع الأبراج الزلومية والحلبسية.

 

أعرف حظك اليوم الأربعاء 6 -12-2017 ..برج الأسد 

الأسد: من 23 يوليو إلى 22 أغسطس

برج الأسد عاطفياً

بلاش تنكد على نفسك كثير فى حاجات حلوة جايالك ف الطريق استعدلها كويس .

برج الأسد عملياً

متخليش أي سوء تفاهم بسيط يفسد يومك وترتيباتك، عيش حياتك ومتبصش وراك.

برج الأسد صحياً

صحتك كويسة بس محتاج تروح الجيم عشان تضبط جسمك.

لونك اليوم

أصفر.

تعرف على توافق برج الأسد مع باقي الأبراج النهاردة

متوافق مع الأبراج البرمائية والحبشتكانية.

 

أعرف حظك اليوم الأربعاء 6 -12-2017 ..برج العذراء 

العذراء: من 23 أغسطس إلى 22 سبتمبر

برج العذراء عاطفياً

اللي يسيبك سيبه ووفر طاقتك وحبك لحد يستاهله، قدر اللي يقدرك وعرف قيمتك وبس.

 برج العذراء عملياً

محتاج تزود تركيزك النهاردة من أول اليوم عشان تخلص اللي وراك بدري بدرى.

برج العذراء صحياً

خد بالك من عدوى البرد المنتشرة بسبب  الطقس ومتسلمش على أصحابك كثير فى الجامعة.

لونك اليوم

زيتى.

تعرف على توافق برج العذراء مع باقي الأبراج النهاردة

متوافق مع الأبراج الحسواكية والإنبهارية.

 

أعرف حظك اليوم الأربعاء 6-12-2017 ..برج الميزان 

الميزان : من 23 سبتمبر إلى 22 أكتوبر

برج الميزان عاطفيا

الكراش بتاعك هيخطب قريب جدا، حاول متزعلش مكنش نصيبك من الأول.

برج الميزان عملياً

أكتب كل الدروس والملاحظات المهمة في نوته صغيرة عشان متوهش ليلة المراجعة النهائية.

برج الميزان صحياً

محتاج تعمل مساج عشان يفك عضلات جسمك ويخليك سعيد ومنتعش.

لونك اليوم

برتقالى.

تعرف على توافق برج الميزان مع باقي الأبراج النهاردة

متوافق مع الأبراج الحلبسية والمطاطية والنارية.

 

أعرف حظك اليوم الأربعاء  6-12-2017 ..برج العقرب 

العقرب: من 23 أكتوبر إلى 21 نوفمبر

برج العقرب عاطفياً

حاول تسيطر على رومانسيتك الزايدة لانها هتسببلك مشاكل كثير أنت في غنى عنها.

برج العقرب عملياً

محتاجة تركز في المذاكرة عشان يبقالك مستقبل مشرق وناجح مش مجرد ماضي سخيف.

برج العقرب صحياً

حاول تقلل من شرب القهوة والشاي ، وخليك في المفيد.

لونك اليوم

أصفر.

تعرف على توافق برج العقرب مع باقي الأبراج النهاردة

متوافق مع الأبراج النارية والكبريتية.

 

أعرف حظك اليوم الأربعاء 6 -12-2017 ..برج القوس 

القوس: من 22 نوفمبر إلى 21 ديسمبر

برج القوس عاطفياً

النهاردة يوم مميز هتقابل الشخص اللى كنت بتحلم تكمل حياتك معاه من زمان.

برج القوس عملياً

محتاج تبذل مجهود أكتر من كده فى المذاكرة وتكثف الساعات علشان تعبك ميروحش هدر.

برج القوس صحياً

حاول تبعد عن الأكلات السريعة والدسمة علشان معدتك متتعبش أكثر من كده.

لونك اليوم

أزرق.

تعرف على توافق برج القوس مع باقي الأبراج النهاردة

متوافق مع الأبراج الحنكوشية والحنتوسية والهوائية.

 

أعرف حظك اليوم الأربعاء 6-12-2017 ..برج الجدى 

الجدى: من 22 ديسمبر إلى 19 يناير

برج الجدي عاطفياً

مكالمة غير متوقعة من الحب القديم هتصلح العلاقات ما بينكم وترجع الميه لمجاريها.

برج الجدي عملياً

متبصش لحد من زمايلك كل واحد وليه طاقة معينة، وركز في دراستك وبس.

برج الجدي صحياً

صحتك كويسة بس محتاج تركز شوية على العصائر الفريش عشان تساعدك على التركيز.

لونك اليوم

أخضر داكن.

تعرف على توافق برج الجدي مع باقي الأبراج النهاردة

متوافق مع الابراج الفسفسائية والترابية.

 

أعرف حظك اليوم الأربعاء 6-12-2017 ..برج الدلو 

الدلو: من 20 يناير إلى 18 فبراير

برج الدلو عاطفياً

حاول تتخلص من كل الضغوط اللى حواليك وقضى ويك اند لطيف مع اصحابك.

برج الدلو عملياً

متهربش من مشاكلك أكثر من كده وحاول تحل كل مشكلة لوحدها.

برج الدلو صحياً

اشترك في رياضة مفيدة أو أى نشاط علشان تساعد جسمك على الحركة.

لونك اليوم

رمادى فاتح.

تعرف على توافق برج الدلو مع باقي الأبراج النهاردة

متوافق مع الأبراج الخيالية والترابية.

 

أعرف حظك اليوم الأربعاء  6-12-2017 ..برج الحوت

الحوت: من 19 فبراير إلى 20 مارس

برج الحوت عاطفياً

حاول تحل مشاكلك مع الحبيب علشان متتعقدش العلاقة بينكم  أكثر من كده.

برج الحوت عملياً

محتاج تغير غرفة المذاكرة وتختار غرفة هادية بعيدة عن التليفون والتليفزيون والريسبشن.

برج الحوت صحياً

حاول تبعد عن الأكلات المالحة لأنها هتسببلك ارتفاع في ضغط الدم.

 

لونك اليوم

نبيتى.

تعرف على توافق برج الحوت مع باقي الأبراج النهاردة

متوافق مع الأبراج الحربائية والهوائية.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *