الرئيسية / توب / للطلبة والطالبات المدرسين والمدرسات .. أعرف حظك اليوم الثلاثاء ١٢ ديسمبر .. برج الحمل : دور برد فى انتظارك .. برج الميزان : اخبار سعيدة فى انتظارك

للطلبة والطالبات المدرسين والمدرسات .. أعرف حظك اليوم الثلاثاء ١٢ ديسمبر .. برج الحمل : دور برد فى انتظارك .. برج الميزان : اخبار سعيدة فى انتظارك

كتبت : رنا جمال

أعرف حظك اليوم وتوقعات الأبراج معانا في موقع كايرودار وياريت متاخدش الكلام على صدرك..في الأول والأخر أنت اللي بتعمل حظك اليوم بتصرفاتك في الحياة ومينفعش حد يقولك هتبقي مبسوط النهاردة أو لأ إلا أنت..استمتع بوقتك في الدراسة سواء في الجامعة أو المدرسة عشان دي أحلى مرحلة في العمر..وصباحك فل وسعادة .

أعرف حظك اليوم الثلاثاء ١٢ _١٢_٢١٠٧ .. برج الحمل
الحمل : من ٢١ مارس إلى ١٩ ابريل
برج الحمل عاطفيا
محتاج تتخلص من جميع مشاكلك مع الشريك الفترة دى
برج الحمل عمليا
حاول تركز فى عملك وبس ، وابعد عن الناس اللى دايما مركزة فى حياتك
برج الحمل صحيا
حاول تركز على الجنزبيل والليمون والبرتقال ، لان فى دور برد شديد فى انتظارك
لونك اليوم
لبنى غامق
تعرف على توافق برج الحمل مع باقى الأبراج النهارده
متوافق مع الأبراج البسبوسية والحرنكشية

أعرف حظك اليوم الثلاثاء ١٢_ ١٢_٢٠١٧ .. برج الثور
الثور : من ٢٠ ابريل إلى ٢٠ مايو
برج الثور عاطفيا
الشريك محتاج منك الطيبة والحنان ، حاول تبعد عن النكد والمشاكل الفترة دى
برج الثور عمليا
محتاج تتعامل مع مشاكلك وتواجهها ، لانك دايما بتتعمد الهروب
برج الثور صحيا
حاول تحافظ على صحتك ، وتفصل بين قلبك وعقلك ،لان قلبك محتاج يبقى طيب وعقلك مش عاجبه الكلام
لونك اليوم
رمادى فاتح
تعرف على توافق برج الثور مع باقى الأبراج النهارده
متوافق مع الابراج البلاستيكية والحلزونية والكتكوتية

أعرف حظك اليوم الثلاثاء ١٢_١٢_٢٠١٧ .. برج الجوزاء
الجوزاء : من ٢١ مايو إلى ٢٠ يونيو
برج الجوزاء عاطفيا
انت اليوم محتاج للكسل والانتخة ، فى مشاعرك تجاه الشريك
برج الجوزاء عمليا
حاول تتخلص من التوتر وصدامك الدائم مع الحياة
برج الجوزاء صحيا
حاول تركز على المشويات النهارده ، وسيبك من الاكل التقيل
لونك اليوم
أخضر بجميع درجاته
تعرف على توافق برج الجوزاء مع باقى الأبراج النهارده
متوافق مع الأبراج المستحية والخيالية

أعرف حظك اليوم الثلاثاء ١٢_١٢_٢٠١٧ .. برج السرطان
السرطان : من ٢١ يونيو إلى ٢٢ يوليو
برج السرطان عاطفيا
الكوكب مش ناقص عند النهارده ، حاول تقلل من عنادك الدائم مع الشريك
برج السرطان عمليا
حاول تبعد عن الكسل شوية ، لانك محتاج تخرج علشان تجيب المراجعات اللى انت محتاجها
برج السرطان صحيا
محتاج تتخلص من جميع ضغوطك ، لان نفسيتك تعبانة ومحتاجة ترتاح شوية
لونك اليوم
برتقالى
تعرف على توافق برج السرطان مع باقى الأبراج النهارده
متوافق مع الأبراج الزلومية والحلبسية

أعرف حظك الثلاثاء ١٢_١٢_٢٠١٧ .. برج الاسد
الاسد : من ٢٣ يوليو إلى ٢٢ اغسطس
برج الأسد عاطفيا
بلاش تفكر فى اللى فات لأنه مات ، وحاول تبدء من جديد
برج الأسد عمليا
محتاج تعمل جدول يناسب فترة الامتحانات ، وحاول تبعد عن روتينك اليومى الفترة دى
برج الأسد صحيا
حاول تفصل من التفكير علشان تقدر تعيش ، لأنه هياثر على نفسيتك وصحتك
لونك اليوم
روز فاتح
تعرف على توافق برج الاسد مع باقى الأبراج النهارده
متوافق مع الأبراج البرمائية والحبشتكانية

أعرف حظك اليوم الثلاثاء ١٢_١٢_٢٠١٧ .. برج العذراء
العذراء : من ٢٣ أغسطس إلى ٢٢ سبتمبر
برج العذراء عاطفيا
حاول تبعد عن الناس اللى بوشين ، لانهم قريب هيبقو سبب اصابتك بامراض كتير
برج العذراء عمليا
ابعد عن وسائل التكنولوجيا الفترة دى ، علشان تقدر تتجاوز. فترة الامتحانات على خير
برج العذراء صحيا
محتاج تنظم أكلك زى زمان ، لان وزنك زايد الفترة دى
لونك اليوم
أحمر بجميع درجاته
تعرف على توافق برج العذراء مع باقى الأبراج النهارده
متوافق مع الابراج الحسواكية والانبهارية

أعرف حظك اليوم الثلاثاء ١٢_ ١٢_٢٠١٧ .. برج الميزان
الميزان : من ٢٣ سبتمبر إلى ٢٢ اكتوبر
برج الميزان عاطفيا
النهارده هتسمع خبر مش لطيف ، حاول ترمى وراء ضهرك
برج الميزان عمليا
حاول تنجز اللى وراك ، لان فى انتظارك الفترة القادمة اخبار سعيدة
برج الميزان صحيا
خلى بالك من الأمراض المنتشرة الفترة الأخيرة ، حاول تحافظ على صحتك ومش لازم كل شوية بوس واحضان لزملاءك
لونك اليوم
بيج غامق
تعرف على توافق برج الميزان مع باقى الأبراج النهارده
متوافق مع الأبراج الحلبسية والمطاطية والنارية

أعرف حظك اليوم الثلاثاء ١٢_١٢_٢٠١٧ .. برج العقرب
العقرب : من ٢٣ أكتوبر إلى ٢١ نوفمبر
برج العقرب عاطفيا
ابعد عن الحب وغنيلة ، محتاج تريح اعصابك وتعيش فى هدوء شوية
برج العقرب عمليا
حاول تراجع الأسئلة المهمة الفترة دى يوميا ، علشان تقدر تجهز نفسك للامتحان
برج العقرب صحيا
محتاج تريح معدتك شوية ، وتبعد عن اللخبطة فى الاكل
لونك اليوم
زيتى
تعرف على توافق برج العقرب مع باقى الأبراج النهارده
متوافق مع الأبراج النارية والكبريتية

أعرف حظك اليوم الثلاثاء ١٢ _١٢_٢٠١٧ .. برج القوس
القوس : من ٢٢ نوفمبر إلى ٢١ ديسمبر
برج القوس عاطفيا
علاقتك كويسة بالشريك ، بس انت دايما اللى بتحاول تدور على المشاكل والنكد
برج القوس عمليا
محتاج تحافظ على كل حاجة حلوة فى حياتك ، وبلاش تضيعها علشان مترجعش تندم بعد كدا
برج القوس صحيا
دفى نفسك كويس الفترة دى علشان تغيرات الجو والشبورة المنتشرة
لونك اليوم
أصفر
تعرف على توافق برج القوس مع باقى الأبراج النهارده
متوافق مع الأبراج الحنكوشية والحنتوسية والهوائية

أعرف حظك اليوم الثلاثاء ١٢ _١٢ _٢٠١٧ .. برج الجدى
الجدى : ٢٢ ديسمبر إلى ١٩ يناير
برج الجدى عاطفيا
بلاش تخذل الشريك دايما ، لأنه كل مشكلة بيبقى محتاجلك جنبه
برج الجدى عمليا
حاول تصحى النهارده بدرى ، لان المذاكرة فى وقت الصباح افيد كتير من مذاكرة الليل
برج الجدى صحيا
كفاية سهر ، لأنه مش هيفدك وممكن ترجع تندم بعد كدا
لونك اليوم
نبيتى جميع درجاته
تعرف على توافق برج الجدى مع باقى الأبراج النهارده
متوافق مع الأبراج الفسفسائية والترابية

أعرف حظك اليوم الثلاثاء ١٢_١٢_٢٠١٧ .. برج الدلو
الدلو : من ٢٠ يناير إلى ١٨ فبراير
برج الدلو عاطفيا
حاول مش دايما تجرى ورا اوهامك ، لانك مهما عملت هتفضل اوهام
برج الدلو عمليا
محتاج تكتب الأسئلة اللى واقفة قدامك ، وتعرضها على المدرس علشان تقدر تركز فيها اكتر من كدا
برج الدلو صحيا
محتاج تخرج النهارده ، علشان تقدر تربح اعصابك وتبعد عن توتر الامتحان
لونك اليوم
أبيض
تعرف على توافق برج الدلو مع باقى الأبراج النهارده
متوافق مع الأبراج الخيالية والترابية

أعرف حظك اليوم الثلاثاء ١٢ _١٢_٢٠١٧ .. برج الحوت
الحوت : من ١٩ فبراير إلى ٢٠ مارس
برج الحوت عاطفيا
بلاش تبقى ضحية التسرع ، لان الحب كدا كدا هيجى بس فى معاده
برج الحوت عمليا
الوقت كالسيف ،حاول تبعد عن المذاكرة أمام التليفزيون لانها بتفقدك تركيزك
برج الحوت صحيا
حاول تنام كويس لان السهر مش هيفيدك
لونك اليوم
أصفر غامق
تعرف على توافق برج الحوت مع باقى الأبراج النهارده
متوافق مع الأبراج الحربائية والهوائية

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *