الرئيسية / منوعات / الابراج / للطلبة والطالبات..للمدرسين والمدرسات أعرف حظك اليوم الأثنين 18-12-2017 ..الأسد: متشغلش بالك بكلام الناس..العذراء: خطوة مهمة هتفرف فى مستقبلك

للطلبة والطالبات..للمدرسين والمدرسات أعرف حظك اليوم الأثنين 18-12-2017 ..الأسد: متشغلش بالك بكلام الناس..العذراء: خطوة مهمة هتفرف فى مستقبلك

نهى عبد النبى

أعرف حظك اليوم وتوقعات الأبراج معانا في موقع كايرودار وياريت متاخدش الكلام على صدرك..في الأول والأخر أنت اللي بتعمل حظك اليوم بتصرفاتك في الحياة ومينفعش حد يقولك هتبقي مبسوط النهاردة أو لأ إلا أنت..استمتع بوقتك في الدراسة سواء في الجامعة أو المدرسة عشان دي أحلى مرحلة في العمر..وصباحك فل وسعادة.

أعرف حظك اليوم الأثنين 18-12-2017 ..برج الحمل

الحمل: من 21 مارس إلى 19 ابريل

برج الحمل عاطفياً

اشحن تلفونك النهاردة عشان هتجيلك مكالمة مهمة من الحبيب وهتحلوا المشاكل اللى ما بينكم.

برج الحمل عملياً

حاول تبطل تناقض بين كلامك وتصرفاتك وأهتم بالمذاكرة الأول قبل ما تتكلم عن المستقبل والتوقعات.

برج الحمل صحياً

اشرب عصاير طبيعية في فترة الامتحانات لأنها غنية بالفيتامينات اللي هتساعدك على التركيز.

لونك اليوم

أخضر.

تعرف على توافق برج الحمل مع باقي الأبراج النهاردة

متوافق مع الابراج البسبوسية والحرنكشية.

 

أعرف حظك اليوم الأثنين 18-12-2017 ..برج الثور 

الثور : من 20 إبريل إلى 20 مايو

برج الثور عاطفياً

النهاردة مزاجك رايق جدا لدرجة أنك هتكلم القمر تاني زي زمان وتحكيله عن أسرارك.

برج الثور عملياً

في حد من زميلك مستنيلك على غلطة وبيتلككلك عشان يضايقك خد بالك من نفسك وحاول متغلطش.

برج الثور صحياً

أهتم بصحتك وأشرب مية كتير  ومتنساش ولا تكسل انك تاخد الدواء.

لونك اليوم

أزرق.

تعرف على توافق برج الثور مع باقي الأبراج النهاردة

متوافق مع الأبراج البلاستيكية والحلزونية والكتكوتية.

 

أعرف حظك اليوم الأثنين 18-12-2017 ..برج الجوزاء 

الجوزاء: من 21 مايو إلى 20 يونيو

 برج الجوزاء عاطفياً

حاول تقلل عند مع الحبيب وبلاش الشك الكثير عشان قرب يزهق منك وهيحضرلك فخ.

برج الجوزاء عملياً

ركز حاول تبعد عن المشاكل العائلية وتصفى ذهنك علشان تقدر تركز فى امتحاناتك.

برج الجوزاء صحياً

محتاج تقعد بشكل سليم عشان الم الظهر وتفرد جسمك كل ساعتين على الاقل.

لونك اليوم

أسود.

تعرف على توافق برج الجوزاء مع باقي الأبراج النهاردة

متوافق مع الأبراج المستحية والخيالية.

أعرف حظك اليوم الأثنين 18-12-2017 ..برج السرطان 

السرطان: من 21 يونيو إلى 22 يوليو

برج السرطان عاطفياً

هتقابل صديق قديم بالصدفة بس مقابلته مش هتكون لطيفة معاك من غير سبب.

برج السرطان عملياً

متهربش من الضغوطات اللى حوليك بالنوم وتضيع وقتك ومجهودك اللى تعبت فيه طول السنة.

برج السرطان صحياً

شوية برد خفييف بس هتروح بسرعة لو اهتميت بالمشروبات الدافية والشربة السخنة.

لونك اليوم

أصفر.

تعرف على توافق برج السرطان مع باقي الأبراج النهاردة

متوافق مع الأبراج الزلومية والحلبسية.

 

أعرف حظك اليوم الأثنين 18-12-2017 ..برج الأسد 

الأسد: من 23 يوليو إلى 22 أغسطس

برج الأسد عاطفياً

هتسمع خبر مش لطيف عن الحبيب حاول تكون قوى وتستعد للحياة الجديدة.

برج الأسد عملياً

حاول تكبر دماغك متشغلش بالك بكلام الناس سواء عليك  أو ليك أو لحد تاني قدامك.

برج الأسد صحياً

صحتك كويسة جدا بس محتاج تروح الجيم عشان ترجع لوزنك الطبيعى.

لونك اليوم

أصفر.

تعرف على توافق برج الأسد مع باقي الأبراج النهاردة

متوافق مع الأبراج البرمائية والحبشتكانية.

 

أعرف حظك اليوم الأثنين 18-12-2017 ..برج العذراء 

العذراء: من 23 أغسطس إلى 22 سبتمبر

برج العذراء عاطفياً

اللي يبيعك بيعه ومتبكيش على حد مرضاش يسمع ويعذرك حتى لو كان أغلى صديق.

 برج العذراء عملياً

حاول تركز النهاردة فى القراية والانشطة الثقافية عشان تزود معلوماتك.

برج العذراء صحياً

محتاج تعمل مساج مرة في الأسبوع عشان جسمك يفك ويخفف من الآم الرقبة.

لونك اليوم

أصفر.

تعرف على توافق برج العذراء مع باقي الأبراج النهاردة

متوافق مع الأبراج الحسواكية والإنبهارية.

 

أعرف حظك اليوم الأثنين 18-12-2017 ..برج الميزان 

الميزان : من 23 سبتمبر إلى 22 أكتوبر

برج الميزان عاطفيا

بلاش تكون متشائم طول الوقت في حاجات حلوة جايالك فى الطريق استعدلها كويس .

برج الميزان عملياً

حاول تركز وتخلص كل الدروس اللى محتاجة مراجعة مبقاش فى وقت للدلع .

برج الميزان صحياً

أبعد عن الكسل والانتخة اليومين دول وفى الأجازة أبقى عوضها وانتخ براحتك.

لونك اليوم

رمادى.

تعرف على توافق برج الميزان مع باقي الأبراج النهاردة

متوافق مع الأبراج الحلبسية والمطاطية والنارية.

 

أعرف حظك اليوم الأثنين 18-12-2017 ..برج العقرب 

العقرب: من 23 أكتوبر إلى 21 نوفمبر

برج العقرب عاطفياً

مشادة كلامية بينك وبين الحبيب بسبب سوء التفاهم حاول تكون أنت الكبير واعقل الأمور.

برج العقرب عملياً

النهاردة هتاخد خطوة مهمة فى حياتك وإحتمال كبير تفرق فى مستقبلك اللي جاي.

برج العقرب صحياً

صحتك مش كويسة حاول تقلل حبة من التفكير وتخرج وتتحرك كثير.

لونك اليوم

أصفر.

تعرف على توافق برج العقرب مع باقي الأبراج النهاردة

متوافق مع الأبراج النارية والكبريتية.

 

أعرف حظك اليوم الأثنين 18-12-2017 ..برج القوس 

القوس: من 22 نوفمبر إلى 21 ديسمبر

برج القوس عاطفياً

اليوم مش مناسب أنك تكون صداقات عابرة ممكن اختيارك يكون مش فى محله.

برج القوس عملياً

محتاج تهتم شوية بالمذاكرة وتبطل كسل عشان يوم الامتحان يكرم المرء أو يهان.

برج القوس صحياً

حاول تركز على أكل الخضروات والفواكة لأنها هتساعدك على التركيز.

لونك اليوم

أزرق.

تعرف على توافق برج القوس مع باقي الأبراج النهاردة

متوافق مع الأبراج الحنكوشية والحنتوسية والهوائية.

 

أعرف حظك اليوم الأثنين 18-12-2017 ..برج الجدى 

الجدى: من 22 ديسمبر إلى 19 يناير

برج الجدي عاطفياً

أبعد عن الوحدة والعزلة اللي أنت فيها وأخرج وأنطلق وأتعرف على أصحاب جداد.

برج الجدي عملياً

هتنجح طول ما أنت مركز وواثق من حالك بس محتاج شوية مجهود زيادة.

برج الجدي صحياً

حاول تغير جو أو تسافر لمكان هادىء كام يوم علشان تحسن من نفسيتك .

لونك اليوم

أخضر داكن.

تعرف على توافق برج الجدي مع باقي الأبراج النهاردة

متوافق مع الابراج الفسفسائية والترابية.

 

أعرف حظك اليوم الأثنين 18-12-2017 ..برج الدلو 

الدلو: من 20 يناير إلى 18 فبراير

برج الدلو عاطفياً

متثقش في حد بزيادة ومتحكيش أسرارك لحد أنت حاسس أنه معجب بيك وبس.

برج الدلو عملياً

محتاج تحفز نفسك وتفكر في كل حاجة حلوة ممكن تحصل لو اجتهدت وجريت وراء حلمك.

برج الدلو صحياً

حاول تزور الطبيب وتعرف منه أيه سبب الصداع المزمن اللي بقى ملازمك طول اليوم.

لونك اليوم

رمادى فاتح.

تعرف على توافق برج الدلو مع باقي الأبراج النهاردة

متوافق مع الأبراج الخيالية والترابية.

 

أعرف حظك اليوم  الأثنين 18-12-2017 ..برج الحوت

الحوت: من 19 فبراير إلى 20 مارس

برج الحوت عاطفياً

ركز في دروسك ومستقبلك أكثر من كده وحاول تبعد عن العلاقات الطايشة والعابرة.

برج الحوت عملياً

محتاج تظبط مواعيد نومك لان قلة النوم هتأثر على تركيزك ومذكراتك طول اليوم.

برج الحوت صحياً

صحتك كويسة بس محتاج تعمل شوية تحاليل علشان تطمن مش أكثر.

لونك اليوم

أزرق.

تعرف على توافق برج الحوت مع باقي الأبراج النهاردة

متوافق مع الأبراج الحربائية والهوائية.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *