الرئيسية / توب / للطلبة والطالبات..للمدرسين والمدرسات أعرف حظك اليوم الأثنين 25-12-2017 ..الدلو: الصبر مفتاح الفرج..الحمل: متضيعش وقتك فى الشات وركز فى المذاكرة

للطلبة والطالبات..للمدرسين والمدرسات أعرف حظك اليوم الأثنين 25-12-2017 ..الدلو: الصبر مفتاح الفرج..الحمل: متضيعش وقتك فى الشات وركز فى المذاكرة

نهى عبد النبى

أعرف حظك اليوم وتوقعات الأبراج معانا في موقع كايرودار وياريت متاخدش الكلام على صدرك..في الأول والأخر أنت اللي بتعمل حظك اليوم بتصرفاتك في الحياة ومينفعش حد يقولك هتبقي مبسوط النهاردة أو لأ إلا أنت..استمتع بوقتك في الدراسة سواء في الجامعة أو المدرسة عشان دي أحلى مرحلة في العمر..وصباحك فل وسعادة.

أعرف حظك اليوم الأثنين 25-12-2017 ..برج الحمل

الحمل: من 21 مارس إلى 19 ابريل

برج الحمل عاطفياً

البعد بيولد الجفا بلاش عناد مع الحبيب أكثر من كده وأنسى اللي فات.

برج الحمل عملياً

متضيعش وقتك في الشات على الواتس والفيس بوك واستغل كل دقيقة فى المذاكرة عشان متندمش.

برج الحمل صحياً

أشرب ميه كثير عشان تنشط المخ وهتساعدك على التركيز والاستيعاب.

لونك اليوم

أخضر.

تعرف على توافق برج الحمل مع باقي الأبراج النهاردة

متوافق مع الأبراج البسبوسية والحرنكشية.

 

أعرف حظك اليوم الأثنين 25-12-2017 ..برج الثور 

الثور : من 20 إبريل إلى 20 مايو

برج الثور عاطفياً

النهاردة حركة الكواكب مش فى صالحك حاول تأجل كل خططك العاطفية وركز فى حاجة بعيدة عن الحب.

برج الثور عملياً

خليك حسن الظن بالناس ومش كل كلمة تاخدها على صدرك عشان مع الوقت هتخسر كثير.

برج الثور صحياً

محتاج تزور الدكتور تعب معدتك بيزيد يوم بعد الثانى وبلأش كسل أكثر من كده.

لونك اليوم

أزرق.

تعرف على توافق برج الثور مع باقي الأبراج النهاردة

متوافق مع الأبراج البلاستيكية والحلزونية والكتكوتية.

 

أعرف حظك اليوم الأثنين 25-12-2017 ..برج الجوزاء 

الجوزاء: من 21 مايو إلى 20 يونيو

 برج الجوزاء عاطفياً

حياتك مش حقل تجارب عشان كل يومين تجازف وتدخل فى تجربة جديدة.

برج الجوزاء عملياً

ركز فى مذاكرة المواد الصعبة وحاول تحل نماذج كثيرة للامتحانات عشان تدرب نفسك كويس.

برج الجوزاء صحياً

هيجيلك نزلة برد شديدة خلى بالك على صحتك وريح النهاردة فى البيت.

لونك اليوم

أسود.

تعرف على توافق برج الجوزاء مع باقي الأبراج النهاردة

متوافق مع الأبراج المستحية والخيالية.

 

أعرف حظك اليوم الأثنين 25-12-2017 ..برج السرطان 

السرطان: من 21 يونيو إلى 22 يوليو

برج السرطان عاطفياً

متلعبش بمشاعر حد عشان هتتردلك مع الوقت، فداين تدان ولو بعد حين.

برج السرطان عملياً

حاول تخلص مذاكرة النهاردة بدرى بدرى وأقعد ساعتين ترفه فيهم عن نفسك أو تتأمل في الطبيعة الخلابة.

برج السرطان صحياً

اهتم بالمشروبات الشتوية المفيدة زى السلحب والكاكاو بالحليب .

لونك اليوم

أصفر.

تعرف على توافق برج السرطان مع باقي الأبراج النهاردة

متوافق مع الأبراج الزلومية والحلبسية.

 

أعرف حظك اليوم الأثنين 25-12-2017 ..برج الأسد 

الأسد: من 23 يوليو إلى 22 أغسطس

برج الأسد عاطفياً

محتاج تهتم شوية بأسرتك وتحددلهم وقت من يومك، اللي ملوش خير في أهله مالوش خير في حد.

برج الأسد عملياً

متحاولش تحل مشاكلك الدراسية بحلول غير منطقية هتندم عليها مع الوقت.

برج الأسد صحياً

صحتك كويسة بس لازم تهتم بأكل الفاكهة والخضروات عشان تزود من مناعة جسمك.

لونك اليوم

أصفر.

تعرف على توافق برج الأسد مع باقي الأبراج النهاردة

متوافق مع الأبراج البرمائية والحبشتكانية.

 

أعرف حظك اليوم الأثنين 25-12-2017 ..برج العذراء 

العذراء: من 23 أغسطس إلى 22 سبتمبر

برج العذراء عاطفياً

أبعد عن العلاقات المعقدة اللي محتاجة كتالوج، الباب اللي يجيلك منه الريح سده وأستريح.

 برج العذراء عملياً

بلاش أنتخة وكسل أكثر من كده الامتحانات على الأبواب ومبقاش فى وقت للدلع.

برج العذراء صحياً

صحتك محتاجة خروجة حلوى على الكورنيش مع كوباية حمص الشام.

لونك اليوم

أصفر.

تعرف على توافق برج العذراء مع باقي الأبراج النهاردة

متوافق مع الأبراج الحسواكية والإنبهارية.

 

أعرف حظك اليوم الأثنين 25-12-2017 ..برج الميزان 

الميزان : من 23 سبتمبر إلى 22 أكتوبر

برج الميزان عاطفيا

حاول تسيطر على غيرتك النهاردة المسئلة مش محتاجة تعقيد وكوارث تاني مع الحبيب.

برج الميزان عملياً

محتاج تخرج من حالة التوتر والقلق وتريح أعصابك النهاردة وياريت تركز في الامتحانات وبس.

برج الميزان صحياً

صحتك زى الحديد بس محتاج تلعب رياضة عشان جسمك يكون مثالي.

لونك اليوم

رمادى.

تعرف على توافق برج الميزان مع باقي الأبراج النهاردة

متوافق مع الأبراج الحلبسية والمطاطية والنارية.

 

أعرف حظك اليوم الأثنين 25-12-2017 ..برج العقرب 

العقرب: من 23 أكتوبر إلى 21 نوفمبر

برج العقرب عاطفياً

خليك رومانسي وسيبك من العقل والمنطق وخلى قلبك يدلك تعمل أيه وتقول أيه النهاردة.

برج العقرب عملياً

النهاردة هتقع فى موقف محرج قدام زمايلك، فحاول تتصرف بذكاء وصبر عشان تخرج من الموقف بسلام.

برج العقرب صحياً

أشرب عصير برتقال وليمون كل يوم عشان تقاوم عدوى البرد المنتشرة الأيام دى.

لونك اليوم

أصفر.

تعرف على توافق برج العقرب مع باقي الأبراج النهاردة

متوافق مع الأبراج النارية والكبريتية.

 

أعرف حظك اليوم الأثنين 25-12-2017 ..برج القوس 

القوس: من 22 نوفمبر إلى 21 ديسمبر

برج القوس عاطفياً

النهاردة مناسب جدا أنك تعبر عن مشاعرك للحبيب وتشرح له سوء التفاهم الخاطئ.

برج القوس عملياً

محتاج تاخد كورسات في اللغات عشان تحسن من مستواك التعليمي.

برج القوس صحياً

حاول تقلل من التدخين عشان مع الوقت هيدمر أجهزة جسمك.

لونك اليوم

أزرق.

تعرف على توافق برج القوس مع باقي الأبراج النهاردة

متوافق مع الأبراج الحنكوشية والحنتوسية والهوائية.

 

أعرف حظك اليوم الأثنين 25-12-2017 ..برج الجدى 

الجدى: من 22 ديسمبر إلى 19 يناير

برج الجدي عاطفياً

جمد قلبك وخد خطوة ايجابية ولو مرة في حياتك اللي بيروح مبيرجعش تاني.

برج الجدي عملياً

أهتم بالقراية عشان هتزود مفرداتك اللغوية ومعلوماتك العامة وهتفيدك فى الدراسة.

برج الجدي صحياً

حاول تلتزم بتعليمات الدكتور وبلاش تكثر من المسكنات.

لونك اليوم

أخضر داكن.

تعرف على توافق برج الجدي مع باقي الأبراج النهاردة

متوافق مع الابراج الفسفسائية والترابية.

 

أعرف حظك اليوم الأثنين 25-12-2017 ..برج الدلو 

الدلو: من 20 يناير إلى 18 فبراير

برج الدلو عاطفياً

أحذر ثقتك العمية فى أنتيم عمرك هتوقعك فى مشكلة كبيرة وهتندم عليها العمر كله.

برج الدلو عملياً

الصبر مفتاح الفرج وهو سر نجاحك فى المرحلة الجاية، حاول تكون هادى ومتفسدش مودك.

برج الدلو صحياً

محتاج تأكل كويس عشان صحتك تتحسن وترجع زى زمان.

لونك اليوم

رمادى فاتح.

تعرف على توافق برج الدلو مع باقي الأبراج النهاردة

متوافق مع الأبراج الخيالية والترابية.

 

أعرف حظك اليوم  الأثنين 25-12-2017 ..برج الحوت

الحوت: من 19 فبراير إلى 20 مارس

برج الحوت عاطفياً

حافظ على مودك النهاردة ومتفكرش كثير في اللي جاي، المكتوب على الجبين لازم تشوفه العين.

برج الحوت عملياً

حاول تواجه المشاكل اللى قدامك مهما كانت الظروف واضحك فى وشها لأنها مسيرها هتعدى وتخلص .

برج الحوت صحياً

صحتك كويسة بس محتاج تفرفش وتضحك وتـاكل وتنام بدرى النهاردة.

لونك اليوم

أزرق.

تعرف على توافق برج الحوت مع باقي الأبراج النهاردة

متوافق مع الأبراج الحربائية والهوائية.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *