الرئيسية / توب / للطلبة والطالبات..للمدرسين والمدرسات أعرف حظك اليوم الثلاثاء 26-12-2017 ..الميزان: غير طريقتك فى المذاكرة..القوس: اللى بيروح مبيرجعش تانى

للطلبة والطالبات..للمدرسين والمدرسات أعرف حظك اليوم الثلاثاء 26-12-2017 ..الميزان: غير طريقتك فى المذاكرة..القوس: اللى بيروح مبيرجعش تانى

نهى عبد النبى

أعرف حظك اليوم وتوقعات الأبراج معانا في موقع كايرودار وياريت متاخدش الكلام على صدرك..في الأول والأخر أنت اللي بتعمل حظك اليوم بتصرفاتك في الحياة ومينفعش حد يقولك هتبقي مبسوط النهاردة أو لأ إلا أنت..استمتع بوقتك في الدراسة سواء في الجامعة أو المدرسة عشان دي أحلى مرحلة في العمر..وصباحك فل وسعادة.

أعرف حظك اليوم الثلاثاء 26-12-2017 ..برج الحمل

الحمل: من 21 مارس إلى 19 ابريل

برج الحمل عاطفياً

يومك رومانسى من الدرجة الأولى فحاول تستمتع بكل لحظة فيه عشان هتفتكره بعد سنين.

برج الحمل عملياً

النهاردة ثقتك في نفسك هتزيد نتيجة مجهودك الرائع، بس أوعى تقلب معاك بغرور عشان متخسرش.

برج الحمل صحياً

أبعد عن الأكلات الدسمة وخليك فى المأكل الخفيف عشان معدتك تتحسن.

لونك اليوم

أخضر.

تعرف على توافق برج الحمل مع باقي الأبراج النهاردة

متوافق مع الأبراج البسبوسية والحرنكشية.

 

أعرف حظك اليوم الثلاثاء 26-12-2017 ..برج الثور 

الثور : من 20 إبريل إلى 20 مايو

برج الثور عاطفياً

الحب مش بالكلام الحب بالتصرفات والمواقف، فمتتخدعش فى كلام حد بيثبتك مش أكثر.

برج الثور عملياً

متأجلش مذاكرة النهاردة لبكره عشان مفيش وقت للدلع، وهتندم على كل دقيقة راحت على الفاضى.

برج الثور صحياً

البس تقيل النهاردة عشان الجو هيكون برد ومش هتستحمل نزلة جديدة.

لونك اليوم

أزرق.

تعرف على توافق برج الثور مع باقي الأبراج النهاردة

متوافق مع الأبراج البلاستيكية والحلزونية والكتكوتية.

 

أعرف حظك اليوم الثلاثاء 26-12-2017 ..برج الجوزاء 

الجوزاء: من 21 مايو إلى 20 يونيو

 برج الجوزاء عاطفياً

خليك عاقل وبلاش تخسر زمايلك على المشاكل التافهة، المشاكل هتعدى وهتلاقى نفسك وحيد.

برج الجوزاء عملياً

أستخدم التكنولوجيا في حاجات مفيدة زى الترجمة وجمع المعلومات اللى هتفيدك فى الامتحانات.

برج الجوزاء صحياً

الم بسيط فى اللثة هيروح مع تنظيف أسنانك والمضمضة.

لونك اليوم

أسود.

تعرف على توافق برج الجوزاء مع باقي الأبراج النهاردة

متوافق مع الأبراج المستحية والخيالية.

 

أعرف حظك اليوم الثلاثاء 26-12-2017 ..برج السرطان 

السرطان: من 21 يونيو إلى 22 يوليو

برج السرطان عاطفياً

اختار صح عشان متندمش على نتيجة اختيارك، وفكر كويس قبل ما تاخد خطوة إيجابية.

برج السرطان عملياً

حاول تبطل انتقاداتك الزايدة للناس واهتم بأوضاعك أنت قبل ما تتدخل في حياة حد.

برج السرطان صحياً

محتاج تمشى كثير عشان تهضم اكلة النهاردة وكفاية كسل وانتخة.

لونك اليوم

أصفر. ما

تعرف على توافق برج السرطان مع باقي الأبراج النهاردة

متوافق مع الأبراج الزلومية والحلبسية.

 

أعرف حظك اليوم الثلاثاء 26-12-2017 ..برج الأسد 

الأسد: من 23 يوليو إلى 22 أغسطس

برج الأسد عاطفياً

يومك مناسب أنك تبادرة بمصالحة الحبيب اللى انتظرك طول الفترة اللى فاتت وبلاش عناد.

برج الأسد عملياً

متحاولش تبقى حد تانى غير نفسك وسيبك من كلام الناس، طول مأنت صح أرمى وراء ظهرك.

برج الأسد صحياً

رجعت تانى تهمل فى صحتك وتنفض للرياضة حاول تبطل دلع وركز فى رياضة مفيدة تنفعك.

لونك اليوم

أصفر.

تعرف على توافق برج الأسد مع باقي الأبراج النهاردة

متوافق مع الأبراج البرمائية والحبشتكانية.

 

أعرف حظك اليوم الثلاثاء 26-12-2017 ..برج العذراء 

العذراء: من 23 أغسطس إلى 22 سبتمبر

برج العذراء عاطفياً

حافظ على علاقتك بأصحابك القدام اللي بيحبولك الخير وسيبك من بياعين الكلام.

 برج العذراء عملياً

الثانوية العامة مش مرحلة صعبة بس محتاجة منك ترتب يومك وتستغل وقتك صح عشان تلاقى نتيجة تعبك.

برج العذراء صحياً

الشيكولاتة الغامقة هتساعدك على التركيز بس بلاش تكثر منها عشان سنانك.

لونك اليوم

أصفر.

تعرف على توافق برج العذراء مع باقي الأبراج النهاردة

متوافق مع الأبراج الحسواكية والإنبهارية.

 

أعرف حظك اليوم الثلاثاء 26-12-2017 ..برج الميزان 

الميزان : من 23 سبتمبر إلى 22 أكتوبر

برج الميزان عاطفيا

بلاش تكون مع نفسك طول الوقت الوحدة هتجبلك اكتئاب وهتخليك تكلم نفسك.

برج الميزان عملياً

حاول تغير طريقتك التقليدية في المذاكرة وذاكر وأنت بتسمع موسيقى هادية أو فى جنينة قريبة.

برج الميزان صحياً

محتاج تشرب كوباية ينسون دافية هتحميك من نزلات البرد والعدوى.

لونك اليوم

رمادى.

تعرف على توافق برج الميزان مع باقي الأبراج النهاردة

متوافق مع الأبراج الحلبسية والمطاطية والنارية.

 

أعرف حظك اليوم الثلاثاء 26-12-2017 ..برج العقرب 

العقرب: من 23 أكتوبر إلى 21 نوفمبر

برج العقرب عاطفياً

خليك قريب من حبايبك يمكن يجى الوقت اللى تتمنى فيه أنك تشوفهم حتى ولو فى المنام.

برج العقرب عملياً

النهاردة حاول تلم المنهج كله وتستعد للمراجعة النهائية وتحل نماذج للامتحانات قبل ما وقتك يروح على الفاضى.

برج العقرب صحياً

هيجيلك كوابيس طول الليل بسبب التفكير السلبى اللى مسيطر على حياتك.

لونك اليوم

أصفر.

تعرف على توافق برج العقرب مع باقي الأبراج النهاردة

متوافق مع الأبراج النارية والكبريتية.

 

أعرف حظك اليوم الثلاثاء 26-12-2017 ..برج القوس 

القوس: من 22 نوفمبر إلى 21 ديسمبر

برج القوس عاطفياً

اللى بيروح مبيرجعش تانى أنسى الحب القديم أنت غلطت كثير ومستحيل يسامحك.

برج القوس عملياً

بلاش تتعامل مع الناس الخبيثة عشان هيجبولك ضغط وسكر وأمراض كثيرة أنت فى غنى عنها.

برج القوس صحياً

محتاج تلعب كورة عشان تفك عضلات جسمك وتخرجك من مود الكآبة.

لونك اليوم

أزرق.

تعرف على توافق برج القوس مع باقي الأبراج النهاردة

متوافق مع الأبراج الحنكوشية والحنتوسية والهوائية.

 

أعرف حظك اليوم الثلاثاء 26-12-2017 ..برج الجدى 

الجدى: من 22 ديسمبر إلى 19 يناير

برج الجدي عاطفياً

الحب هيجى لغاية عندك فى الوقت المناسب بلاش أنت تدور عليه مع حد ميستأهلشى.

برج الجدي عملياً

خليك واثق من نفسك وقدراتك، النهاردة كل حاجة ماشية فى صالحك ومتركزش مع الناس المنفسنة.

برج الجدي صحياً

حاول تهتم بأكل البيض وشرب الحليب جسمك محتاج للكالسيوم.

لونك اليوم

أخضر داكن.

تعرف على توافق برج الجدي مع باقي الأبراج النهاردة

متوافق مع الابراج الفسفسائية والترابية.

 

أعرف حظك اليوم الثلاثاء 26-12-2017 ..برج الدلو 

الدلو: من 20 يناير إلى 18 فبراير

برج الدلو عاطفياً

بلاش تكون قاسى مع الحبيب أكثر من كده القسوة مش بتجيب غير قسوة.

برج الدلو عملياً

ركز في مذاكرة النهاردة وحاول تنجز دروسك اليومية عشان توفر وقت للراحة.

برج الدلو صحياً

حاول تنام كويس عشان تقدر تركز وتكمل يومك بسلام.

لونك اليوم

رمادى فاتح.

تعرف على توافق برج الدلو مع باقي الأبراج النهاردة

متوافق مع الأبراج الخيالية والترابية.

 

أعرف حظك اليوم  الثلاثاء 26-12-2017 ..برج الحوت

الحوت: من 19 فبراير إلى 20 مارس

برج الحوت عاطفياً

حاول تقضى ويك اند لطيف مع اصحابك وأتخلص من جميع الضغوط اللى حواليك النهاردة.

برج الحوت عملياً

مذاكرة ساعتين بتركيز وتمعن أفضل من مذاكرة يوم كامل بكروته وسربعة.

برج الحوت صحياً

متستسلمش للمرض ولازم تزور الطبيب عشان صحتك تتحسن.

لونك اليوم

أزرق.

تعرف على توافق برج الحوت مع باقي الأبراج النهاردة

متوافق مع الأبراج الحربائية والهوائية.

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *